தீ ரஜினியை ரி-க்ரியேட் செய்துள்ளாரா லோகேஷ்? - Has Lokesh recreated the Thee Rajinikanth

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'தீ' ரஜினியை ரி-க்ரியேட் செய்துள்ளாரா லோகேஷ்?

03 ஆக, 2025 - 10:56 IST

எழுத்தின் அளவு:

Has-Lokesh-recreated-the-Thee-Rajinikanth

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த் நடிக்கும் 'கூலி' படத்தின் டிரைலர் நேற்று வெளியானது. ஒரு முழுமையான ஆக்ஷன் திரைப்படமாக இருக்கும் என எதிர்பார்க்கப்படுகிறது. படத்தில் ரஜினிகாந்த் - சத்யராஜ் இடையிலான நட்பு மையக் கருவாக இருக்கும் எனத் தெரிகிறது.

டிரைலரின் ஒரு காட்சியில் 'நெகட்டிவ்' இமேஜில் ரஜினியின் தோற்றம் ஓரிரு வினாடிகள் வந்து போகிறது. அது என்ன மாதிரியான தோற்றம் என்பதைத் தெரிந்து கொள்ள அந்த 'நெகட்டிவ்' இமேஜை அப்படியே 'பாசிட்டிவ்' இமேஜ் ஆக ரசிகர்கள் மாற்றிப் பார்த்துள்ளனர். அதில் இளமைக் கால ரஜினியின் தோற்றம் உள்ளது.

1981ல் ரஜினிகாந்த் நடித்து வெளிவந்த 'தீ' படத்தில் ரஜினிகாந்த் அப்படித்தான் இருப்பார். அப்படத்தில் துறைமுக கூலி தொழிலாளியாக அந்தக் கால ரஜினி ஸ்டைலில் பீடி பிடித்தபடி நடித்திருப்பார் ரஜினி. ஏறக்குறைய அதே தோற்றத்தை 'கூலி' படத்திலும் லோகேஷ் ரி-க்ரியேட் செய்துள்ளார் என்றே தெரிகிறது. படத்தின் பிளாஷ்பேக்கில் அந்தக் காட்சிகள் வந்தால் தியேட்டர்களில் ரசிகர்கள் ஆர்ப்பரிக்க வாய்ப்புள்ளது.

'ஜெயிலர்' படத்தில் ரஜினியின் பிளாஷ்பேக் காட்சிகளில் அவரை ஏ.ஐ மூலம் மிக இளமையாகக் காட்டியதைப் போல, கூலி' படத்திலும் அப்படி ஒரு ரஜினியை ரசிகர்கள் எதிர்பார்க்கலாம்.

Coolie

Rajinikanth

Thee

Lokesh Kanagaraj

கருத்துகள் (0) கருத்தைப் பதிவு செய்ய

பிளாஷ்பேக்: காட்சியும், கானமும் ...

‛கிச்சா' என்கிற பெயர் தன்னுடன் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய