Dinamalar

‛குட் பேட் அக்லி' : விமர்சனங்களை மீறி முதல் நாள் வசூல்

அஜித், த்ரிஷா மற்றும் பலர் நடிக்க, ஆதிக் ரவிச்சந்திரன் இயக்கத்தில் நேற்று முன்தினம் வெளியான படம் 'குட் பேட் அக்லி'. அஜித் ரசிகர்களுக்காகவே எடுக்கப்பட்ட ஒரு படம், மற்ற ரசிகர்களுக்கு இந்தப்படம் பிடிக்குமா என்பதுதான் படம் பற்றிய பொதுவான விமர்சனமாக வெளிவந்தது.

அதையும் மீறி படத்தின் முதல் நாள் வசூல் தமிழகத்தில் மட்டும் 30.9 கோடி என தயாரிப்பு நிறுவனம் அதிகாரப்பூர்வமாக அறிவித்தது. அஜித் நடித்து இதுவரை வெளிவந்த படங்களிலேயே இதுதான் அதிகபட்ச வசூல் என்றும் குறிப்பிட்டுள்ளார்கள்.

நேற்று நாம் வெளியிட்ட செய்தியின்படியே தமிழகத்தில் 30 கோடி வசூலைப் பெற்றுள்ளது. வெளிநாடுகளிலும் 20 கோடி வரை வசூல் கிடைத்திருக்கும் என்று தகவல். அப்படி இருந்தால் நாம் யூகித்த முதல் நாள் வசூல் 50 கோடி என்பது உறுதியாகும்.

நேற்று வெள்ளிக்கிழமை மட்டும் வசூல் கொஞ்சம் குறைவு என்கிறார்கள். இன்று, நாளை, நாளை மறுநாள் தமிழ் வருடப் பிறப்பு என அடுத்தடுத்து விடுமுறை நாட்கள் என்பதால் வசூல் ஏறுவதற்கு வாய்ப்புண்டு. மொத்தமாக 5 நாட்களில் 200 கோடி வசூலைக் கடக்கவும் வாய்ப்பிருக்கிறது என்பது பாக்ஸ் ஆபீஸ் தகவல்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்