Dinamalar

ஏப்ரல் வரை தமிழ் சினிமா காத்திருக்க வேண்டுமா?

2025ம் ஆண்டு ஆரம்பமாகி ஏழு வாரங்கள் முடியப் போகிறது. இந்த ஏழு வாரங்களில் 36 படங்கள் வரை வெளிவந்துள்ளன. அவற்றில் ஒரே ஒரு படம்தான் 100 கோடி வசூலைக் கடந்துள்ளது. அந்த ஒரே படம் அஜித் நடித்து வெளிவந்த 'விடாமுயற்சி'. அவ்வளவு வசூலைக் கடந்தாலும் படம் இன்னும் லாபத்தில் நுழையவில்லை என்பது தகவல்.

விஷால் நடித்து வெளிவந்த 'மத கஜ ராஜா', மணிகண்டன் நடித்து வெளிவந்த 'குடும்பஸ்தன்' ஆகிய படங்கள் முறையே 50 கோடி மற்றும் 25 கோடி வசூலித்துள்ளன. அந்த இரண்டு படங்களும் குறிப்பிடத்தக்க லாபத்தைக் கொடுத்துள்ளன.

இருந்தாலும் 36 படங்களில் ஒரு படம் கூட பெரிய வெற்றி, வசூலைக் குவிக்கவில்லை என்பது அதிர்ச்சிகரமான ஆரம்பமாகவே பார்க்கப்படுகிறது. கடந்த 2024ம் வருடம் மே மாதம் வெளிவந்த 'அரண்மனை 4' படம்தான் முதல் பெரிய வெற்றியாக அமைந்தது.

கடந்த வருடம் போலவே இந்த வருடமும் தாமதமாகத்தான் பெரிய வெற்றி கிடைக்கும் என்று எதிர்பார்க்கப்படுகிறது. ஏப்ரல் 10ம் தேதி தனுஷ் இயக்கம் நடிப்பில் 'இட்லி கடை', அஜித் நடிப்பில் 'குட் பேட் அக்லி' ஆகிய படங்கள் வெளிவர உள்ளன. அந்தப் படங்கள்தான் பெரிய வசூலை ஆரம்பித்து வைக்கும் என கோலிவுட்டில் நம்புகிறார்கள். அந்த நம்பிக்கை வீண் போகாமல் இருக்கட்டும்.

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்

• 
  'டகாய்ட்' பட ரிலீஸை முன்னிட்டு ஹீரோவுடன் திருப்பதி தரிசனம் செய்த ...
• 
  பிளாஷ்பேக்: புரட்சி நடிகரின் படத்தில், புலியுடன் சண்டையிட்ட புரட்சிப் ...
• 
  பாடலை மாதக்கணக்கில் மெருகேற்றும் ஹாரிஸ்: இயக்குனர் ஏ.எல்.விஜய்
• 
  ரஜினி, கமல் படத்தில் இந்த இளம் நடிகையா?
• 
  'தனுஷ் 56' படப்பிடிப்பு செப்டம்பரில் துவங்குகிறது!