Dinamalar

பிளாஷ்பேக்: அந்த காலத்து வாலிபர் சங்கம்

சிவகார்த்திகேயன், ஸ்ரீதிவ்யா நடித்த 'வருத்தப்படாத வாலிபர் சங்கம்' படம் நல்ல வரவேற்பை பெற்றது. இளைஞர்களின் வாழ்க்கையை கொண்டு ஜாலியான ஒரு காதல் படம் தருவது 1930களிலேயே தொடங்கி விட்டது. அப்படியான முதல் படம் 'யூத் லீக் அல்லது வாலிபர் சங்கம்' என்ற படம்.

ஏ.என்.கல்யாணசுந்தரம் இயக்கத்தில் வெளியான இந்த படத்தில் மாதிரிமங்கலம் நடேச அய்யர் நாயகனாகவும், சுபத்ரா நாயகியாகவும் நடித்தனர். இவர்கள் தவிர 20க்கும் மேற்பட்ட இளம் பெண்கள், இளைஞர்கள் நடித்திருந்தார்கள். சாகர் மூவி டோன் நிறுவனம் தயாரித்திருந்தது.

கட்டுப்பாடான குடும்பத்தை சேர்ந்த இளைஞர்கள் தங்களுக்கு காதலித்து திருமணம் செய்ய சுதந்திரமும், உரிமையும் வேண்டும் என்று பெற்றோர்களுக்கு எதிராக வாலிபர் சங்கம் ஒன்றை தொடங்குவார்கள். பெற்றோர் பார்த்து செய்யும் திருமணமே சிறந்தது என்று அவர்களும், காதலித்து செய்யும் திருமணமே சிறந்தது என்று இளைஞர்களும் ஆதாரத்துடன் நிரூபிக்க முயற்சிப்பதும், அதற்காக நடக்கும் காமெடி கலாட்டாக்களும்தான் படம்.

இந்த படத்திற்கு அடுத்ததாக படத்தை இயக்கிய இயக்குனர் ஏ.என்.கல்யாணசுந்தரம் 'லேடீஸ் ஒன்லி' என்ற படத்தை இயக்கப்போவதாக அறிவித்தார். ஆனால் வாலிபர் சங்கம் தோல்வி அடைந்ததால் அந்த திட்டத்தை கைவிட்டார்.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...