Dinamalar

உலக நாயகன்னு அழைக்காதீங்க...: அஜித் பாணியில் கமல் எடுத்த முடிவு

நடிகர் அஜித்குமாரை அவரது ரசிகர்கள் 'தல' எனக் குறிப்பிட்டு கொண்டாடி வருகின்றனர். தீனா படத்திற்கு பிறகு அவருக்கு இந்த அடைமொழியை வைத்து கூப்பிடத் துவங்கினர். இதற்கிடையே கடந்த 2021ம் ஆண்டு தன்னை 'தல' என அழைக்க வேண்டாம் என ஊடகங்கள் மற்றும் ரசிகர்களுக்கு நடிகர் அஜித்குமார் வேண்டுகோள் விடுத்து அறிக்கை வெளியிட்டார். அஜித், அஜித்குமார் அல்லது தனது பெயரின் சுருக்கமான 'ஏகே' என்று அழைத்தால் போதும் எனவும் குறிப்பிட்டிருந்தார்.

ரசிகர்கள் தங்களுக்கு சூட்டும் அடைமொழியை மற்ற நடிகர்கள் பெருமையாக கருதும் நிலையில், அஜித்தின் இந்த முடிவு அப்போது பரபரப்பாக பேசப்பட்டது.

இந்த நிலையில், நடிகரும் மக்கள் நீதி மய்யம் கட்சி தலைவருமான கமல்ஹாசனும் இதே பாணியை தற்போது கையில் எடுத்துள்ளார். அதாவது, அவரும் தன்னை 'உலக நாயகன்' என அழைக்க வேண்டாம் என்றும், கமல், கமல்ஹாசன், 'கே ஹெச்' என்று குறிப்பிடுங்கள் என ரசிகர்கள் மற்றும் அவரது கட்சியினருக்கு அறிவுறுத்தியுள்ளார்.

இது தொடர்பாக அவர் வெளியிட்ட அறிக்கையில், ''என் மீது கொண்ட அன்பினால் உலக நாயகன் உட்பட பல பிரியம் ததும்பும் பட்டங்களால் என்னை அழைக்கிறீர்கள். இதனால் மகிழ்ந்திருக்கிறேன், நெகிழ்ந்திருக்கிறேன். நிறைய யோசனைக்கு பிறகு மேலே குறிப்பிட்டது போன்ற பட்டங்களையும் அடைமொழிகளையும் துறப்பது என்ற முடிவுக்கு வந்துள்ளேன். எனவே, ரசிகர்கள், ஊடக நண்பர்கள், திரைத்துரை சார்ந்தவர்கள், மநீம கட்சி தொண்டர்கள், சக இந்தியர்கள் என்னை கமல்ஹாசன் என்றோ, கமல் என்றோ, 'கே ஹெச்' என்றோ குறிப்பிட்டால் போதுமானது என கேட்டுக்கொள்கிறேன். இவ்வாறு அதில் குறிப்பிட்டுள்ளார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  சிவகார்த்திகேயனுக்கு வில்லனா? மறுப்பு தெரிவித்த விஷால்
• 
  ஹாலிவுட் மியூசிக் மீடியா விருது: ஆடுஜீவிதம் பின்னணி இசைக்காக வென்றார் ...
• 
  விஜய் 69வது படத்தில் இணையும் வரலட்சுமி
• 
  73வது பிறந்தநாளை கொண்டாடிய இசையமைப்பாளர் தேவா!
• 
  விடாமுயற்சி படத்தின் சிறு பிஜிஎம் வைரல்