Dinamalar

ஷங்கர் இயக்கும் 'கேம் சேஞ்சர்' டப்பிங் ஆரம்பம்

விஜய் நடித்த 'வாரிசு' படத்தைத் தயாரித்த தில் ராஜூ தயாரிப்பில், ஷங்கர் இயக்கத்தில், தமன் இசையமைப்பில், ராம் சரண், கியாரா அத்வானி மற்றும் பலர் நடிப்பில் உருவாகி வரும் தெலுங்குப் படம் 'கேம் சேஞ்சர்'. கடந்த சில வருடங்களாகத் தயாரிப்பில் இருந்த படம் எப்போது வரும் என தெலுங்கு ரசிகர்கள் ஆவலுடன் காத்திருந்தார்கள்.

'இந்தியன் 2' படம், 'கேம் சேஞ்சர்' படம் இரண்டு படங்களையும் ஷங்கர் மாறி மாறி படப்பிடிப்பு நடத்தி வந்தாலும், வேறு சில பல காரணங்களாலும் இப்படத்தின் வெளியீடு தள்ளிக் கொண்டே வந்தது. சமீபத்தில் ராம் சரண் சம்பந்தப்பட்ட காட்சிகளின் படப்பிடிப்பு முடிந்தது. மற்ற நடிகர்கள் நடிக்கும் காட்சிகளின் படப்பிடிப்பு இன்னும் சில நாட்கள் நடந்தால் மொத்த படப்பிடிப்பும் முடிந்துவிடும்.

இதனிடையே, நேற்று ஐதராபாத்தில் இப்படத்தின் டப்பிங் பணிகள் ஆரம்பமாகி உள்ளது. அதற்கான பூஜையும் நடந்தது. அதில் தயாரிப்பாளர் தில் ராஜூ கலந்து கொண்டார். தொடர்ந்து மற்ற வேலைகளும் விறுவிறுப்பாக நடந்து வருகிறதாம். இந்த வருட கிறிஸ்துமஸ் நாளில் இப்படம் வெளியாகிறது.

• 
  ஹாக்டெய்ல் 2வில் லெஸ்பியன் வேடத்தில் நடிக்கும் ராஷ்மிகா
• 
  'கேரள ஸ்டோரி 2' படத்திற்கு கோர்ட் நோட்டீஸ்
• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...

• 
  சாய் அபயங்கர், கயாடு லோகர் புதிய ஜோடி
• 
  சிவகார்த்திகேயனின் ‛சேயோன்' பட தலைப்புக்கு சிக்கல்
• 
  போலீஸ் அதிகாரியாக சசிகுமார்
• 
  இரண்டாவது திருமணம் குறித்த சலசலப்புக்கு மீனா பதில்
• 
  அனில் ரவிபுடி இயக்கத்தில் கார்த்தி, பஹத் பாசில் நடிக்கிறார்களா?