Dinamalar

குபேரா: ராஷ்மிகா மந்தனா கேரக்டர் வெளியானது

முன்னணி தெலுங்கு இயக்குனர் சேகர் காமுலா. ஆனந்த், ஹேப்பி டேய்ஸ், கோதாவரி, லீடர், லைப் இஸ் பியூட்டிபுல், அனாமிகா உள்ளிட்ட படங்கள் மூலம் கவனம் ஈர்த்தவர். தற்போது அவர் தெலுங்கு, தமிழ், ஹிந்தி மொழிகளில் ஒரே நேரத்தில் இயக்கி வரும் படம் 'குபேரா'. இதில் தனுஷ், நாகார்ஜூனா இணைந்து நடிக்கிறார்கள். தனுஷ் ஜோடியாக ராஷ்மிகா மந்தனா நடிக்கிறார்.

'குபேரா'வில் இருந்து தனுஷ் மற்றும் நாகார்ஜுனா ஆகியோரின் முதல் தோற்றமும் வெளியிடப்பட்டு வரவேற்பைப் பெற்றது. இந்த நிலையில் ராஷ்மிகாவின் தோற்றம் ஒரு சிறிய வீடியோவுடன் வெளியிடப்பட்டுள்ளது. அதில் அடர்ந்த காட்டுக்குள் புதைத்து வைக்கப்பட்டிருக்கும் ஒரு சூட்கேசை ராஷ்மிகா தோண்டி எடுக்கிறார். அதை திறந்து பார்க்கும்போது அதில் கட்டுக்கட்டாக பணம் இருக்கிறது. அதை ஆச்சர்யத்தோடு பார்க்கும் அவர் அதை எடுத்துக் கொண்டு செல்கிறார்.

இந்த வீடியோ தற்போது வைரலாக பரவி உள்ளது. இது கொள்ளை தொடர்பான கதை என்றும், ராஷ்மிகா நடிக்கும் கேரக்டர் பற்றியும் பல்வேறு யூகங்களை சமூக வலைதளங்களில் ரசிகர்கள் வெளியிட்டு வருகிறார்கள். இப்படத்தை ஸ்ரீ வெங்கடேஸ்வரா சினிமாஸ் எல்எல்பி மற்றும் அமிகோஸ் கிரியேஷன்ஸ் பிரைவேட் லிமிடெட் ஆகிய நிறுவனங்கள் சார்பில் சுனில் நரங் மற்றும் புஸ்குர் ராம்மோகன் ராவ் இணைந்து தயாரிக்கின்றனர்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி