Dinamalar

3 மணி நேரம் ஓடப் போகும் 'சலார்'

பிரசாந்த் நீல் இயக்கத்தில், பிரபாஸ், ஸ்ருதிஹாசன், பிருத்விராஜ் மற்றும் பலர் நடிக்கும் 'சலார்' படம் வரும் டிசம்பர் 22ம் தேதி பான் இந்தியா படமாக வெளியாக உள்ளது. ஒரு வாரம் முன்னதாக 5 மொழிகளில் வெளியான இப்படத்தின் டிரைலருக்கு நல்ல வரவேற்பு கிடைத்துள்ளது. ஐந்து மொழிகளிலும் சேர்த்து 150 மில்லியன் பார்வைகளைக் கடந்துள்ளது. தற்போது இப்படத்தின் இறுதிக் கட்டப் பணிகள் விறுவிறுப்பாக நடைபெற்று வருகிறது.

படத்திற்கான தணிக்கையும் முடிவடைந்து 'ஏ' சான்றிதழ் வழங்கியுள்ளார்கள். படத்தில் ரத்தம் தெறிக்கும் வன்முறைக் காட்சிகள் இருப்பதால் அந்த சான்றிதழ் வழங்கியுள்ளார்கள். இதனால் 18 வயதுக்கும் கீழானவர்கள் இப்படத்தைத் தியேட்டர்களில் பார்க்க முடியாது. இப்படம் 2 மணி நேரம் 55 நிமிடங்கள் ஓடக் கூடியதாக உருவாக்கப்பட்டுள்ளது. தற்போது வெளியாகும் பல பெரிய படங்கள் ஏறக்குறைய 3 மணி நேரம் வரை இருக்கிறது. இது சில படங்களுக்கு ஒரு குறையாகவே அமைகிறது. இப்படத்திற்கு எப்படி அமையப் போகிறது என்பது படம் வந்த பிறகே தெரியும்.

இந்த ஆண்டு வெளியாகி அதிக வசூலைக் குவித்த படங்களில், 'ஜவான்' படம் 2 மணி நேரம் 49 நிமிடங்கள், 'ஜெயிலர்' படம் 2 மணி நேரம் 49 நிமிடம், 'லியோ' படம் 2 மணி நேரம் 44 நிமிடம் என நீளமான படங்களாகவே இருந்தன. அவற்றையெல்லாம் மிஞ்சும் அளவிற்கு 'அனிமல்' படம் 3 மணி நேரம் 21 நிமிடங்களாக இருந்தது.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி