Dinamalar

'இறைவன்' படத்தைப் புறக்கணிக்கிறாரா நயன்தாரா?

அகமது இயக்கத்தில், யுவன்ஷங்கர் ராஜா இசையமைப்பில், ஜெயம் ரவி, நயன்தாரா மற்றும் பலர் நடித்துள்ள படம் 'இறைவன்'. செப்டம்பர் 28ம் தேதி வெளியாக உள்ள இப்படத்தின் டிரைலர் சில தினங்களுக்கு முன்பு வெளியிடப்பட்டது.

இப்படத்தின் டிரைலர் படத்தின் கதாநாயகியாக நயன்தாரா அவருடைய இன்ஸ்டாகிராம் தளத்தில் பகிரவில்லை. ஆனால், அதற்கு சில தினங்களுக்கு முன்பு வெளியான 'ஜவான்' படத்தின் ஹிந்தி, தமிழ், தெலுங்கு ஆகிய டிரைலர்களை மட்டும் பகிர்ந்திருந்தார்.

இன்ஸ்டாகிராம் தளத்தில் கடந்த வாரம்தான் புதிதாக கணக்கு ஆரம்பித்து தனது பதிவுகளைப் பதிவிட ஆரம்பித்தார் நயன்தாரா. முதல் இரண்டு பதிவுகள் அவருடைய குழந்தைகளை அறிமுகம் செய்த பதிவுகளாகவும், அடுத்த மூன்று பதிவுகள் 'ஜவான்' பதிவுகளாகவும் மட்டுமே இருக்கின்றன.

இத்தனைக்கும் 'இறைவன்' டிரைலர் யு டியுபில் 10 மில்லியன் பார்வைகளைப் பெற்றுள்ளது. தற்போது தனது இன்ஸ்டாகிராம் கணக்கில் 28 லட்சம் பாலோயர்களைப் பெற்றுள்ள நயன்தாரா, 'இறைவன்' படத்தின் டிரைலரையும் பகிர்ந்திருந்தால் அது இன்னும் கூடுதலான ரசிகர்களிடம் போய்ச் சேர வாய்ப்புள்ளது. எந்த காரணத்தினாலோ அவர் இதுவரையிலும் 'இறைவன்' படத்தின் டிரைலரைப் பகிரவே இல்லை.

• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்
• 
  கே.ஜி.எப் தயாரிப்பாளருடன் இணைந்த ஹிருத்திக் ரோஷன்

• 
  ஓடிடி தளங்களில் இந்த வாரம் கடும் போட்டி
• 
  ரசிகர்கள் ஆதரவு எப்போதும் வேண்டும் : நெகிழும் சிம்ரன்
• 
  சிரஞ்சீவியை சந்தித்து வாழ்த்து பெற்ற 'குபேரா' இயக்குனர் சேகர் கம்முலா
• 
  ‛96' இரண்டாம் பாகத்தில் பிரதீப் ரங்கநாதனா : பிரேம் குமார் மறுப்பு
• 
  ‛லப்பர் பந்து' ரீமேக்கில் ஷாருக்கானா : சுவாசிகா பகிர்ந்த சுவாரஸ்ய தகவல்