முதன்முறையாக கதை நாயகன் ஆனார் முனீஷ்காந்த்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

முதன்முறையாக கதை நாயகன் ஆனார் முனீஷ்காந்த்

12 ஜூன், 2023 - 10:55 IST

எழுத்தின் அளவு:

சின்ன சின்ன வேடங்களில் நடித்து வந்த ராம்தாஸ், 'முண்டாசுபட்டி' படத்தின் மூலம் வெளியில் அறியப்பட்டார். அந்த படத்தில் அவர் முனீஷ்காந்த் என்ற கேரக்டரில் நடித்ததால் அதுவே அவரது சினிமா பெயராக மாறிவிட்டது. தொடர்ந்து காமெடி வேடங்களில் நடித்து வரும் அவர் மாநகரம், கடல், சூது கவ்வும், எனக்குள் ஒருவன், பசங்க 2, ஒரு நாள் கூத்து, லத்தி உள்ளிட்ட பல படங்களில் குணசித்ர வேடங்களிலும் நடித்துள்ளர். இதுவரை 100க்கும் மேற்பட்ட படங்களில் நடித்து விட்டார்.

தற்போது முதன் முறையாக 'காடப்புறா கலைக்குழு' என்ற படத்தின் மூலம் கதை நாயகன் ஆகியிருக்கிறார். இன்னொரு நாயகனாக காளி வெங்கட் நடிக்கிறார். காளி வெங்கட் ஏற்கெனவே பல படங்களில் கதை நாயகனாக நடித்து விட்டார். இந்த படத்தை ராஜா குருசாமி என்ற புதுமுகம் இயக்குகிறார். ஹென்றி இசை அமைக்கிறார். வினோத் காந்தி ஒளிப்பதிவு செய்கிறார். சக்தி சினி புரொடக்ஷன் சார்பில் முருகானந்தம் வீரராகவன், சண்முகப்ரியா முருகானந்தம் தயாரிக்கிறார்கள். இந்தப் படம் கரகாட்டத்தில் ஆடும் ஆண் நடன கலைஞர்களை பற்றிய காமெடி படமாக உருவாகிறது. இதில் ஆண் கரகாட்ட கலைஞராக முனீஷ்காந்தும், நாதஸ்வர கலைஞராக காளி வெங்கட்டும் நடிக்கிறார்கள்.

Actormunishkanth

கருத்துகள் (0) கருத்தைப் பதிவு செய்ய

போட்டி இல்லாமல் வெளியாகும் ...

இயக்குனர் ஆகும் சண்டை இயக்குனர்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய