Dinamalar

தெலுங்கில் ரீமேக்காகிய 'டெடி'

சக்தி சவுந்தர்ராஜன் இயக்கத்தில், இமான் இசையமைப்பில், ஆர்யா, சாயிஷா மற்றும் பலர் நடித்து 2021ம் ஆண்டு ஓடிடி தளத்தில் வெளியான படம் 'டெடி'. குழந்தைகளையும் குடும்பத்தினரையும் கவர்ந்த ஒரு படமாக அமைந்தது. அப்படத்தைத் தயாரித்த ஸ்டுடியோ கிரீன் நிறுவனம் தெலுங்கிலும் அப்படத்தை ரீமேக் செய்துள்ளது. அல்லு அர்ஜுன் தம்பியான அல்லு சிரிஷ் நாயகனாக நடித்துள்ளார். அஜ்மல், பிரிஷா சிங், ஆலி, முகேஷ் ரிஷி மற்றும் பலர் நடித்துள்ளார்கள்.

தமிழில் 'டார்லிங், எனக்கு இன்னொரு பேர் இருக்கு, கூர்க்கா, ட்ரிகர்' படங்களை இயக்கிய சாம் ஆண்டன் தெலுங்கில் இப்படத்தை இயக்கியுள்ளார். இப்படத்தின் முதல் பார்வை மற்றும் முன்னோட்ட வீடியோ இன்று மாலை வெளியானது.

தமிழில் ஆர்யா நடித்து வெளியான 'டெடி' படத்தை தெலுங்கிலும் டப்பிங் செய்து வெளியிட்டிருந்தார்கள். இப்போது அல்லு சிரிஷ் நடிக்க ரீமேக் செய்துள்ளார்கள். தெலுங்கில் 'பட்டி'(BUDDY) என பெயர் வைத்துள்ளனர். இதற்கு முன்பு இந்த படத்தில் சந்தீப் கிஷான் நடிப்பதாக அறிவித்தனர். ஆனால், ஒரு சில காரணங்களால் அவர் இப்படத்தை விட்டு விலகிய நிலையில் இப்போது அல்லு சிரிஷ் நடித்துள்ளார் என்பது குறிப்பிடத்தக்கது.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...