Dinamalar

நடிகர் பாலாவுக்கு கொச்சி மருத்துவமனையில் தீவிர சிகிச்சை

2003ல் வெளிவந்த 'அன்பு' படத்தின் மூலம் தமிழ் சினிமாவில் கதாநாயகனாக அறிமுகமானவர் பாலா. இவர் இயக்குனர் சிறுத்தை சிவாவின் தம்பி. தொடர்ந்து 'காதல் கிசு கிசு, அம்மா அப்பா செல்லம், கலிங்கா' உள்ளிட்ட படங்களில் நடித்தார். 2006ல் 'கலாபம்' என்ற மலையாளப் படத்தில் அறிமுகமானார். தொடர்ந்து கடந்த 15 வருடங்களாக பல மலையைளப் படங்களில் நடித்துள்ளார். கேரளாவிலேயே செட்டிலாகிவிட்டார்.

சிவா இயக்கி அஜித் நடித்து வெளிவந்த 'வீரம்' படத்தில் அஜித்தின் தம்பிகளில் ஒருவராகவும் நடித்துள்ளார் பாலா. சிவா இயக்கிய 'அண்ணாத்த' படத்திலும் நடித்தார்.
ஒரு வாரத்திற்கு முன்பு சிறுநீரகப் பிரச்சனை காரணமாக கொச்சியில் உள்ள தனியார் மருத்துவமனையில் அனுமதிக்கப்பட்டுள்ளார். தீவிர சிகிச்சை பிரிவில் சிகிச்சை பெற்று வருகிறார் பாலா. அவரை சந்திக்க இயக்குனர் சிவா இன்று கொச்சி சென்றுள்ளதாகத் தெரிகிறது.

2010ல் பின்னணிப் பாடகி அம்ருதா சுரேஷைக் காதலித்து திருமணம் செய்து கொண்டார் பாலா. பின்னர் இருவரும் 2019ல் விவாகரத்து செய்து கொண்டனர். 2021ல் எலிசெபத் உதயன் என்ற டாக்டரை மறுமணம் செய்து கொண்டார் பாலா.

• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது

• 
  நாகார்ஜூனா ரசிகையாக கை தட்டியதில் நானும் ஒருவர்! - அமலா அக்கினேனி
• 
  இயக்குனராக கென் கருணாஸ் : அதிகாரப்பூர்வ அறிவிப்பு
• 
  ரஜினி, சுந்தர்.சி கூட்டணியில் புதிய படம்?
• 
  தீபாவளி பண்டிகையையொட்டி ரசிகர்களுக்கு 'டபுள் ட்ரீட்': இந்த வார ஓடிடி ...
• 
  பிரபாஸ் பிறந்தநாளில் ரசிகர்களுக்கு இரட்டை விருந்து