Dinamalar

ராஜ்கமல் அலுவலகத்தில் கமல் - பாரதிராஜா திடீர் சந்திப்பு

விக்ரம் படத்தின் மிகப்பெரிய வெற்றியைத் தொடர்ந்து நடிகர் கமல் தற்போது இந்தியன் 2 படத்தில் பிஸியாக நடித்து வருகிறார். இதை தொடர்ந்து எச்.வினோத், பா.ரஞ்சித் ஆகியோரின் டைரக்சனில் அடுத்தடுத்து நடிக்க இருக்கிறார். இயக்குனர் பாரதிராஜா தற்போது குணச்சித்திர நடிகராக பல படங்களில் நடித்து வருகிறார். 16 வயதினிலே படத்திலிருந்து கிட்டத்தட்ட 40 வருடங்களாக இவர்கள் இருவரின் நட்பு தொடர்பு வருகிறது. குறிப்பாக கமலின் ஆரம்ப கால திரையுலக வாழ்க்கையில் பாலச்சந்தருக்கு அடுத்ததாக குறிப்பிடத்தக்க வெற்றி படங்களை கொடுத்தவர் பாரதிராஜா.

அந்த வகையில் இவர்கள் இருவரும் அவ்வப்போது சந்தித்து சினிமா குறித்த புதிய விஷயங்களை பரிமாறிக் கொள்வது உண்டு. தற்போது கமலின் ராஜ்கமல் பிலிம்ஸ் அலுவலகத்தில் பாரதிராஜா, கமல் இருவரும் சந்தித்து சமீபத்தில் உரையாடியுள்ளனர். இதுகுறித்த புகைப்படம் ஒன்றை வெளியிட்டு இந்த தகவலை தெரிவித்துள்ளார் கமல்.

இந்த சந்திப்பு குறித்து அவர் கூறும்போது, “மூன்று வழக்குரைஞர்கள்.. ஒரு மணப்பெண். 'சினிமா'. திரு பாரதிராஜாவும் நானும்.. ராஜ்கமல் பிலிம்ஸ் நிறுவனத்தில் என் முன்னே மூவியாலாவும் பின்னணியில் மறைந்த திரு ஆனந்து அவர்களும். இருவருமே சினிமா குறித்து எனக்கு நிறைய கற்பித்தவர்கள்” என்று கூறியுள்ளார்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்
• 
  பெண்கள் அரசியல் கூட்டங்களுக்கு செல்லக்கூடாது: அம்பிகா அட்வைஸ்
• 
  நயன்தாரா வீட்டுக்கு வெடிகுண்டு மிரட்டல்
• 
  பிளாஷ்பேக்: மம்பட்டியான் பாணியில் உருவான 'கரிமேடு கருவாயன்'