![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
அருவியில் அமலாபால் ஆனந்த குளியல்
பிப் 25, 2023
Advertisement
நடிகை அமலபால் கார்த்தி நடித்த கைதி படத்தின் ஹிந்தி ரீமேக்கான போலா என்ற படத்தில் அஜய் தேவகனுக்கு ஜோடியாக நடித்துள்ளார். இந்த படத்தை அஜய் தேவ்கனே தயாரித்து, இயக்கி, நடித்தும் உள்ளார். விரைவில் திரைக்கு வர உள்ள இந்த படத்தின் மெலடி பாடல் ஒன்று தற்போது வெளியிடப்பட்டுள்ளது. சமீபத்தில் தனது நண்பர் ஒருவர் தனக்கு பாலியல் தொல்லை கொடுத்ததாக விழுப்புரத்தில் புகார் அளித்திருந்த அமலாபால், மிகுந்த மன உளைச்சலுக்கு ஆளாகி இருந்தார். அதையடுத்து ஆன்மிக தலங்களுக்கு சென்று சாமி தரிசனம் செய்ய தொடங்கியவர், பழநி முருகன் கோயிலுக்கு சென்றார். பின்னர் இந்தோனேசியாவில் உள்ள ஒரு ஆசிரமத்திற்கு சென்று தியானம், வழிபாட்டில் ஈடுபட்டார். இந்த நிலையில் தற்போது ஒரு அருவியில் தான் ஆனந்தமாக நீராடும் வீடியோ ஒன்றை இன்ஸ்டாகிராமில் பகிர்ந்து இருக்கிறார் அமலாபால். அருவி அருகே உள்ள மலையின் மீது ஏறுவது, பின்னர் அங்கிருந்து குதித்து உற்சாகமாக குளியல் போடுவது, அருவி நீரோடையில் நீந்துவது, அருவி அருகே ஊஞ்சல் ஆடுவது... என மகிழ்ச்சியாய் இருந்துள்ளார். இந்த வீடியோ தற்போது சோசியல் மீடியாவில் வைரலானது.
வாசகர்கள் கருத்துகள்
முதல் நபராக கருத்து தெரிவியுங்கள்!