Dinamalar

சந்திரமுகி 2வில் இணைந்த மகிமா நம்பியார்

ரஜினி நடித்த சந்திரமுகி படம் 800 நாட்களுக்கு மேல் ஓடி சாதனை படைத்தது. அந்த சாதனை இதுவரை முறியடிக்கப்படவில்லை. இந்த படத்தின் இரண்டாம் பாகத்தில் ரஜினி நடிக்க மறுத்ததை தொடர்ந்து, அவர் கேரக்டரில் ராகவா லாரன்ஸ் நடிக்க பி.வாசு இயக்குகிறார். லைகா புரொடக்ஷன்ஸ் சார்பில் சுபாஷ்கரன் தயாரிக்கிறார். எம்.எம். கீரவாணி இசையமைக்கிறார். ஆர். டி. ராஜசேகர் ஒளிப்பதிவு செய்கிறார். ராதிகா, வடிவேலு, ரவிமரியா, மனோபாலா முக்கிய வேடத்தில் நடிக்கின்றனர். இந்த படத்தில் பிரபல முன்னணி நடிகை கங்கனா ரணவத், ஜோதிகா நடித்த சந்திரமுகி கேரக்டரில் நடித்து வருகிறார். இந்த படத்தின் படப்பிடிப்பு தற்போது ஐதராபாத் நகரில் நடைபெற்று வருகிறது.

இந்த நிலையில் இந்த படத்தில் தற்போது மகிமா நம்பியார் இணைந்துள்ளார். இதனை அதிகாரபூர்வமாக அறிவித்துள்ளனர். இது தொடர்பான புகைப்படங்களை தனது டிவிட்டர் பக்கத்தில் மஹிமா நம்பியார் பகிர்ந்துள்ளார். அதில், "திறமை மிகுந்த அற்புதமான மனிதரான லாரன்ஸ் மாஸ்டருடன் பணிபுரிந்த அனுபவம் அற்புதமானது. இந்த சந்திரமுகி 2 படம் மிகவும் சிறப்பு வாய்ந்தது" என்று மஹிமா நம்பியார் ட்வீட் செய்துள்ளார்.

'சாட்டை' படத்தில் அறிமுகமான மகிமா நம்பியார், அதன் பிறகு என்னமோ நடக்குது, மொசக்குட்டி, குற்றம் 23, புரியாத புதிர், கொடிவீரன், இரவுக்கு ஆயிரம் கண்கள், அண்ணனுக்கு ஜே, மகாமுனி, அசுரகுரு, ஓ மை டாக், ஐங்கரன் உள்பட பல படங்களில் நடித்துள்ளார்.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி