Dinamalar

பெண்களின் எழுச்சி - சமந்தா பதிவு

சினிமா என்பது ஹீரோக்கள் ஆதிக்கம் செலுத்தும் ஒரு துறையாகவே காலம் காலமாக இருந்து வருகிறது. ஹீரோயின்களுக்கு முக்கியத்துவம் கொடுக்கும் படங்கள் எப்போதோ ஒரு முறைதான் வரும். ஆனால், கடந்த வருடக் கடைசி வெளியீடாக கடந்த வாரம் வெளிவந்த படங்களில் 'ராங்கி, டிரைவர் ஜமுனா, செம்பி, ஓ மை கோஸ்ட்' ஆகிய படங்கள் ஹீரோயின்களை முதன்மைப்படுத்திய படங்களாக வெளிவந்தன. அதற்கு முன் வாரம் நயன்தாரா நடித்த 'கனெக்ட்' படமும் அப்படிப்பட்ட ஒரு படம்தான்.

சென்னை, குரோம்பேட்டையில் உள்ள பிரபலமான வெற்றி, ராகேஷ் தியேட்டர் காம்ப்ளக்சில் 'கனெக்ட், ராங்கி, டிரைலவர் ஜமுனா, செம்பி' ஆகிய படங்கள் ஓடிக் கொண்டிருக்கின்றன. தியேட்டர் முன்பாக அந்த பேனர்கள் இடம் பெற்றுள்ளன. அதைப் படம் பிடித்து ஒரு ரசிகர், “குரோம்பேட்டை வெற்றி தியேட்டரைக் கடக்கும் போது, பெண்கள் முதன்மைக் கதாபாத்திரங்களில் நடிக்கும் படங்களின் பேனர் இருப்பதை நானும் எனது சகோதரியும் பார்த்தோம். தமிழ் சினிமாவு எவ்வளவு தூரம் கடந்து வந்துள்ளது. பத்து வருடங்களுக்கு முன்பாக இப்படியெல்லாம் நடக்கும் என்று கற்பனை செய்து கூடப் பார்க்க முடியாது. பொதுவாக வெற்றி தியேட்டரில் எப்போதும் ஆண்கள் அவர்களது வலிமையைக் காட்டும் பேனர்கள்தான் வரிசைகட்டி இருக்கும். எங்களது குழந்தைக் காலத்தின் பாதியை அந்தத் தியேட்டரில் கழித்த எங்களுக்கு அது எப்படிப்பட்ட மகிழ்ச்சி என்பதைச் சொல்ல முடியாது,” என்று ஒரு நீண்ட பதிவிட்டிருந்தார்.

அந்த ரசிகரின் டுவீட்டை ரிடுவீட் செய்த நடிகை சமந்தா, “பெண்களின் எழுச்சி” என அதைக் குறிப்பிட்டிருந்தார். குரோம்பேட்டையை அடுத்த பல்லாவரத்தைச் சேர்ந்த சமந்தா, நடிகையாவதற்கு முன்பாக அந்தத் தியேட்டரில் பல படங்களைப் பார்த்திருக்கலாம். அதனால்தான், அதை ரிடுவீட் செய்திருக்கிறார் போலிருக்கிறது.

• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்

• 
  3 படங்கள் 1000 கோடி முதலீடு, மீண்டு வருமா தயாரிப்பு நிறுவனம் ?
• 
  முதல்வர் ஸ்டாலினின் வாழ்க்கை படமாகிறது: சமுத்திரக்கனி இயக்குகிறார்?
• 
  ரஜினியுடன் நடிக்கும்போது இந்த சவாலை எதிர்கொள்ள வேண்டி இருந்தது ; நடிகர் ...
• 
  விஜய்சேதுபதி குறித்து சிலாகிக்கும் பாலிவுட் நடிகர் மிலிந்த் சோமன்
• 
  பிளாஷ்பேக்: “அரசகட்டளை” என பெயர் மாற்றமான எம் ஜி ஆரின் “பவானி”