Dinamalar

'வாரிசு' இசை வெளியீடு ஏற்பாடுகள் தீவிரம்

வம்சி பைடிப்பள்ளி இயக்கத்தில், தமன் இசையமைப்பில், விஜய், ராஷ்மிகா மந்தனா மற்றும் பலர் நடிப்பில் உருவாகியுள்ள 'வாரிசு' படத்தின் இசை வெளியீடு இந்த வாரம் டிசம்பர் 24ம் தேதி சனிக்கிழமை மாலை சென்னையில் உள்ள நேரு விளையாட்டரங்கில் நடைபெற உள்ளதாகத் தகவல்கள் வெளியாகி உள்ளன.

இந்த விழாவில் விஜய் கலந்து கொண்டு சிறப்பிக்க உள்ளார் என்றும் உறுதியான தகவல் வந்துள்ளது. விஜய் நடித்து இதற்கு முன்பு இந்த வருடம் வெளிவந்த 'பீஸ்ட்' படத்திற்கு எந்த விழாவும் நடத்தப்படவில்லை. எனவே, 'வாரிசு' விழா மீதான எதிர்பார்ப்பு அதிகமாக உள்ளது. யார் நம்பர் 1, பொங்கல் போட்டி, தெலுங்கில் எதிர்ப்பு என சில பல சர்ச்சைகளுக்குப் பின் இந்த வெளியீட்டு விழா நடைபெற இருப்பதால் விஜய்யின் பேச்சு எப்படி இருக்கப் போகிறது என்பது பற்றி ரசிகர்கள் மட்டுமல்ல திரையுலகினர், அரசியல்வாதிகள் என பலரும் ஆர்வத்துடன் எதிர்பார்த்து காத்திருக்கிறார்கள்.

'வாரிசு' படத்திற்காக இந்த ஒரு விழாவில் மட்டும் கலந்து கொண்டுவிட்டு விஜய் தனது குடும்பத்துடன் லண்டன் செல்ல உள்ளார் என அவருக்கு நெருக்கமான வட்டாரங்கள் தெரிவிக்கின்றன.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  சிக்கந்தர் தோல்விக்கு காரணம் முருகதாஸா ? சல்மான் கானா ? ; ராஷ்மிகா பதில்
• 
  வந்தே மாதரம் பாடலை பாட ஏ.ஆர் ரஹ்மான் மறுத்தாரா ? சின்மயி பதில்
• 
  நடிகரை அறைந்தாரா பூஜா ஹெக்டே? தீயாக பரவும் செய்தி
• 
  ஏப்ரல் 30ல் திரைக்கு வரும் தனுஷின் 'கர'?
• 
  ஏ.ஆர்.ரஹ்மானுக்கு ஆதரவாக குரல் கொடுத்த மெஹபூபா முப்தி!