5678 : நடனத்தை அடிப்படையாக கொண்ட வெப் தொடர்

18 அக், 2022 - 10:52 IST

0 கருத்துகள் கருத்தைப் பதிவு செய்ய

எழுத்தின் அளவு:

ஹாலிவுட்டில் நடனத்தை அடிப்படையாக கொண்ட திரைப்படங்கள், வெப் தொடர்கள் அதிக அளவில் வெளியாகும். இந்தியாவில் அவ்வப்போது சில படங்கள் வெளியாகி இருக்கின்றன. முதன் முறையாக நடத்தை மையமாக கொண்டு 5678 என்ற பெயரில் வெப் தொடர் ஒன்று தயாராகி உள்ளது. இந்த தமிழ் ஒரிஜினல் வெப் தொடர் அடுத்த மாதம் 18ம் தேதி ஜீ5 தளத்தில் வெளியாகிறது.

இந்த தொடரை புதுமுகங்கள் இணைந்து உருவாக்கி உள்ளனர். ஏ.எல்.அழகப்பன், ஹிதேஷ் தாக்கூர் தயாரித்துள்ளனர். செம்பா, விக்ரம், தினேஷ் மற்றும் ஸ்வேதா நடித்துள்ளனர்.

சமூகத்தின் அடிதட்டில் இருக்கும் இளைஞர்கள் இணைந்து ஒரு நடன குழுவை உருவாக்குகிறார்கள். திறமை இருந்தும் அதற்கான வாய்ப்பை பெறுவது எப்படி என்று தெரியாமல் தவிக்கிறார்கள். பணக்காரர்கள் எளிதில் வெற்றி பெற முடிகிற ஒரு தளத்தில் இவர்கள் எப்படி போராடி வெற்றி பெறுகிறார்கள் என்பது தான் இந்த தொடரின் கதை.

இதுகுறித்து இயக்குனர் விஜய் கூறியதாவது : இளமை நிறைந்த மற்றும் திறமைமிக்க நடிகர்களுடன் இணைந்து பணியாற்றியது மிக்க மகிழ்ச்சி அளிக்கிறது. இந்தத் தொடரின் படப்பிடிப்பின் போது சுதந்திர மனப்பான்மை கொண்ட இந்த இளைஞர்கள் நிறைந்த உத்வேகத்துடன் மிகக்கடுமையான உழைப்பை வழங்கினர். இந்தத் தொடர் உலகெங்கிலும் உள்ள 190 நாடுகளின் பார்வையாளர்களை சென்றடைந்து அவர்களின் உள்ளத்தில் இடம் பிடிக்கப் போகிறது என்பது குறித்து நாங்கள் மகிழ்ச்சியடைகிறோம். இந்தத் தொடரை பார்வையாளர்கள் இருகரம் நீட்டி ஏற்றுக்கொண்டு ஆதரவளிப்பார்கள் என்று நம்புகிறோம். என்றார்.

5678webseries

கருத்துகள் (0) கருத்தைப் பதிவு செய்ய

புதுமுகங்களின் 'வாய்ப்பில்ல ராஜா'

தசராவுக்கு காத்திருக்கும் கீர்த்தி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய