Dinamalar

விறுவிறு படப்பிடிப்பில் ஜெயிலர்

நெல்சன் திலீப்குமார் இயக்கத்தில் ரஜினிகாந்த் நடிப்பில் அவரது 169வது படமாக உருவாகி வருகிறது ஜெயிலர் திரைப்படம். இந்த படத்தில் ரம்யாகிருஷ்ணன், யோகிபாபு, ரெடின் கிங்ஸ்லி, விநாயகன், ஹரிஷ் ராய் உள்ளிட்ட பல நட்சத்திரங்கள் நடித்து வருகின்றனர். இருந்தாலும் இந்த படத்தில் நடிக்கும் முன்னணி கதாநாயகிகள் குறித்த அதிகாரப்பூர்வ விவரம் எதுவும் இன்னும் வெளியாகவில்லை. அதேசமயம் சென்னையிலேயே கிழக்கு கடற்கரை சாலையில் உள்ள ஆதித்யாராம் ஸ்டுடியோவில் இந்த படத்தின் படப்பிடிப்பு தற்போது நடைபெற்று வருகிறது.

இதை உறுதிசெய்யும் விதமாக இந்த ஸ்டுடியோவின் உரிமையாளர் ஆதித்யாராம், ஜெயிலர் படப்பிடிப்பில் பங்கேற்ற ரஜினியுடன் இணைந்து எடுத்துக்கொண்ட புகைப்படம் ஒன்றை தனது சோசியல் மீடியா பக்கத்தில் வெளியிட்டு உள்ளார். அதேபோல அட்லீ இயக்கத்தில் ஷாருக்கான் நடித்து வரும் படத்தின் படப்பிடிப்பு இங்கே தான் நடைபெற்று வருகிறது. சமீபத்தில் ஷாருக்கானை இங்கேதான் ரஜினிகாந்த் சந்தித்தார். அதேபோல அட்லீயின் பிறந்தநாளன்று தனது வீட்டிற்கு அருகாமையில் உள்ள இந்த ஸ்டுடியோவில் படப்பிடிப்பு நடைபெற்றதால் தான் விஜய் நேரிலேயே வந்து அவரை சந்தித்து வாழ்த்தி சென்றார் என்பதும் குறிப்பிடத்தக்கது.

• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்
• 
  300 மில்லியன் பார்வைகளைக் கடந்த 'துரந்தர் 2' டிரைலர்
• 
  சன்னி தியோலின் லாகூர் 1947 பட டைட்டில் மாற்றம் ?
• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்

• 
  சமூக வலைதளத்தில் ஆபாச பதிவுகள்: லாவண்யா திரிபாதி போலீசில் புகார்
• 
  பிளாஷ்பேக்: தன் படத்தை பார்க்க விரும்பாத விஜயகாந்த்
• 
  பிளாஷ்பேக்: தமிழில் படமான உலக சினிமா
• 
  'ஜனநாயகன்' ஓடிடி உரிமை ஒப்பந்தம் ரத்து?
• 
  அல்லு அர்ஜுன் பிறந்தநாளில் 'எஎ22 - எ6' பட டீசர் ?