தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கவுதம் மேனன் இயக்கத்தில், விக்ரம், ரித்து வர்மா, சிம்ரன், பார்த்திபன், ஐஸ்வர்யா ராஜேஷ் மற்றும் பலர் நடிப்பில் 2017ல் ஆரம்பமான படம் 'துருவ நட்சத்திரம்'. படம் ஆரம்பமாகி ஐந்து ஆண்டுகளுக்கு மேலாகியும் இன்னும் வெளியாகாமலேயே பல்வேறு காரணங்களால் முடங்கிக் கிடக்கிறது.
கடந்த மாதம் இப்படம் குறித்து 'நட்சத்திரங்கள் சீரமைக்கப்படும்' என பதிவிட்டு அப்படத்தின் நாயகன் விக்ரம் உடன் இருக்கும் புகைப்படத்தையும் பதிவிட்டிருந்தார் கவுதம். இந்நிலையில் சமீபத்திய பேட்டி ஒன்றில் 'துருவ நட்சத்திரம்' படம் டிசம்பர் மாதம் வெளியாகும் என்று தெரிவித்துள்ளார்.
கவுதம் மேனன் இயக்கியுள்ள 'வெந்து தணிந்தது காடு' படம் நாளை(செப்.,15) வெளியாகிறது. இதற்கடுத்து கவுதம் மேனன் இயக்கி வெளிவரும் படமாக 'துருவ நட்சத்திரம்' படம் வெளிவர உள்ளது. அவரது இயக்கத்தில் உருவாகியுள்ள மற்றொரு படமான 'ஜோஷ்வா இமை போல் காக்க' படம் எப்போது வெளியாகும் என அப்டேட் எதுவும் இல்லை.
பேட்டியில் சொன்னபடி 'துருவ நட்சத்திரம்' படம் டிசம்பரில் வெளிவந்தால் அதுவே விக்ரம் ரசிகர்களுக்கு மகிழ்ச்சியான தகவல்தான்.