Dinamalar

அமித்ஷா - ஜூனியர் என்டிஆர் சந்திப்பு : அரசியல் வட்டாரத்தில் பரபரப்பு

ஆந்திர அரசியலையும் என்.டி.ஆர் குடும்பத்தையும் பிரிக்க முடியாது. என்.டி.ராமராவ் 4 முறை ஆந்திர முதல்வராக இருந்தார். அவரது மருமகன் சந்திரபாபு நாயுடு முதல்வராக இருந்தார், என்.டி.ஆரின் மூத்த மகன் பாலகிருஷ்ணா சட்டமன்ற உறுப்பினராக உள்ளார். இந்த நிலையின் என்டிஆரின் பேரன் ஜூனியர் என்டிஆர் அரசியலுக்கு வருவதற்கான அறிகுறிகள் தெரிய ஆரம்பித்திருக்கிறது.

சமீபத்தில் வெளியான ஆர்ஆர்ஆர் படம் மூலம் பான் இந்தியா ஸ்டார் ஆகிவிட்ட ஜூனியர் என்டிஆரை உள்துறை அமைச்சர் அமித்ஷா தனது ஐதராபாத் விசிட்டின் போது அவரே அழைத்து ஜூனியர் என்டிஆரை சந்தித்து பேசி உள்ளார். இது ஆந்திரா மற்றும் தெலுங்கானா அரசியல் மற்றும் சினிமா வட்டாரத்தில் பரபரப்பை ஏற்படுத்தி உள்ளது. இந்த சந்திப்பு குறித்து அமித்ஷா கூறுகையில் “திறமையான நடிகரும், தெலுங்கு சினிமாவின் மாணிக்கமுமான ஜூனியர் என்டிஆரை சந்தித்தது மகிழ்ச்சி” என்று குறிப்பிட்டுள்ளார்.

தெலங்கானாவின் நல்கொண்டா மாவட்டத்தில் உள்ள முனுகோட் சட்டமன்ற தொகுதியில் எம்.எல்.ஏ.வாக இருந்த காங்கிரஸ் கட்சியை சேர்ந்த ராஜகோபால் ரெட்டி தனது பதவியை திடீரென ராஜினாமா செய்ததால் அந்த தொகுதிக்கு இடைத்தேர்தல் வர உள்ளது. இதற்கான பிரச்சாரத்திற்குதான் அமித்ஷா ஐதராபாத் வந்துள்ளார். இந்த நேரத்தில் நடந்த இந்த சந்திப்பு அரசியல் முக்கியத்துவம் வாய்ந்ததாக கருதப்படுகிறது. சமீபத்தில் அமித்ஷா ஆர்ஆர்ஆர் படம் பார்த்தாகவும் அதில் சிறப்பாக நடித்த ஜூனியர் என்டிஆரை நேரில் அழைத்து பாராட்டினார். வேறு காரணம் எதுவும் இல்லை என்றும் கூறப்படுகிறது.

• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா

• 
  பா.ஜ., தலைவரின் பேச்சுக்கு திரிஷா கண்டனம்
• 
  பிப்ரவரி 13 ரிலீஸ் படங்கள் : இன்றைய நிலவரம் என்ன ?
• 
  ஒரு மாதம் விடுமுறை எடுக்கப் போகும் விஜய் தேவரகொண்டா, ராஷ்மிகா மந்தனா
• 
  பிளாஷ்பேக்: உதவி இயக்குனராக பணியாற்றிய ரஜினிகாந்த்
• 
  பிளாஷ்பேக் : அதிக படங்களில் கவர்ச்சி நடனம் ஆடியவர்