![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
இளையராஜா உடன் இணைவீர்களா? - பா.ரஞ்சித் பதில்
ஆக 21, 2022
Advertisement
சார்பட்டா பரம்பரை படத்தை அடுத்து பா. ரஞ்சித் இயக்கி உள்ள படம் நட்சத்திரம் நகர்கிறது. காளிதாஸ் ஜெயராம், துஷாரா விஜயன், கலையரசன் உள்பட பலர் நடித்திருக்கும் இந்த படம் இம்மாதம் 31ம் தேதி திரைக்கு வருகிறது. இந்த படம் குறித்து இயக்குனர் பா.ரஞ்சித்திடத்தில், இசைஞானி இளையராஜாவுடன் இணைவீர்களா? என்று கேட்டால், எனக்கு மிகவும் பிடித்தமானவர்களை நான் எப்போதுமே தள்ளி நின்றே பார்ப்பேன். அதனால் இசைஞானியுடன் இணைந்து செயல்பட முடியும் என்று நான் இதுவரை நினைத்ததில்லை. அவரை நெருங்கவே தயக்கமாக உள்ளது. அவர் ஒரு மிகப்பெரிய மேதை. இளையராஜா இல்லை என்றால் நானெல்லாம் இந்த இடத்திற்கு வந்திருக்கவே முடியாது. எனக்கு வழிகாட்டிய என் முன்னத்தி ஏரை நம்பித்தான் எங்கள் வீட்டில் என்னை சினிமாவுக்கு அனுப்பி வைத்தார்கள். இளையராஜாவின் பாடல்கள் எனக்கு எப்பவுமே தன்னம்பிக்கை கொடுக்கும் பாடல்களாக இருந்து வருகின்றன. அவரை தினம் ரசிக்கும் ரசிகன் நான் என்று கூறும் பா.ரஞ்சித், நட்சத்திரம் நகர்கிறது படம் இதுவரை நான் எடுத்த சினிமாவில் ஒரு மாறுபட்ட படமாக இருக்கும். என்னுடைய சினிமா வாழ்க்கையில் இது முக்கியமான படமாகவும் இருக்கும் என்கிறார்.
வாசகர்கள் கருத்துகள்
முதல் நபராக கருத்து தெரிவியுங்கள்!