Dinamalar

ரிப்பீட் ஆன ரஜினியின் 23 படத் தலைப்புகள்

தமிழ்த் திரையுலகில் இன்றுள்ள பல நடிகர்களுக்கும் என்றாவது ஒரு நாள் நாமும் சூப்பர் ஸ்டார் ஆவோம் என்ற கனவுதான் நிறைய இருக்கும். ஆனால், ரஜினிகாந்த் போன்று தன்னிச்சையாக வளர்ந்து ஒரு உயரிய இடத்தை அடைந்த நடிகர் இதுவரை தமிழ் சினிமாவில் வந்ததில்லை, இனியும் வருவார்களா என்பது சந்தேகமே.

ரஜினி மாதிரி ஆகிறோமோ இல்லையோ அவருடைய படத் தலைப்பையாவது வைத்துக் கொள்வோமே என பலருக்கும் அந்த ஆசை வந்துள்ளது. சிவகார்த்திகேயனுக்கு இரண்டாவது முறை அப்படி ஒரு ஆசை வந்திருக்கிறது. ரஜினிகாந்த் படத் தலைப்பான 'வேலைக்காரன்' படத்தை இதற்கு முன்பு தன் படத்திற்காக வைத்தவர் அடுத்து 'மாவீரன்' படத்தலைப்பை வைத்திருக்கிறார். ரஜினி படத் தலைப்புகள் மீண்டும் பயன்படுத்தப்பட்டதில் இது 23வது முறை.

ரஜினிகாந்த் நடித்த 'வேலைக்காரன்' படம் பெரிய வெற்றி பெற்றது. ஆனால், சிவகார்த்திகேயனின் 'வேலைக்காரன்' தோல்வியைத் தழுவியது. ரஜினி நடித்த 'மாவீரன்' தோல்வியடைந்தது. சிவகார்த்திகேயனின் 'மாவீரன்' என்ன ஆகும் என வெளிவந்தால்தான் தெரியும்.

இதற்கு முன்பு, “வீரா, தர்மதுரை, ராஜாதி ராஜா, குரு சிஷ்யன், மனிதன், வேலைக்காரன், படிக்காதவன், நான் சிகப்பு மனிதன், நான் மகான் அல்ல, தங்கமகன், ரங்கா, போக்கிரி ராஜா, நெற்றிக்கண், கழுகு, பொல்லாதவன், காளி, நினைத்தாலே இனிக்கும், குப்பத்து ராஜா,” ஆகிய படத் தலைப்புகள் வெவ்வேறு நடிகர்களின் படங்களுக்காக பயன்படுத்தப்பட்டுள்ள.

“கர்ஜனை, விடுதலை, துடிக்கும் கரங்கள், ஆயிரம் ஜென்மங்கள்,” படத் தலைப்புகளை வைத்துள்ள படங்கள் இனிமேல்தான் வெளியாக வேண்டும்.

• 
  'பூத் போலீஸ் 2' படத்தை இயக்கும் பிரியதர்ஷன்
• 
  கேரளா ஸ்டோரி இரண்டாவது பாகமும் பரபரப்பு கிளப்புகிறது
• 
  ஜவான் 2 தொடங்குவது எப்போது? அட்லி கொடுத்த விளக்கம்
• 
  ‛காந்தாரா' கடவுள் கிண்டல் : ரன்வீர் சிங் மீது பாய்ந்தது வழக்கு
• 
  'டான்-3'ல் இருந்து வெளியேறிய ரன்வீர் சிங் ; இயக்குனர் எடுத்த அதிரடி ...

• 
  சசிகுமாரின் 'மை லார்ட்' படம் பிப்ரவரி 13ல் ரிலீஸ்
• 
  நடிகர் ரகுநாத் மாரடைப்பால் காலமானார்
• 
  சிவகார்த்திகேயனின் 'பராசக்தி' படத்தின் ஓடிடி ரிலீஸ் தேதி வெளியானது!
• 
  'அசுரன்' பட பாடலுக்கு கிடைத்த விருது: ஜி.வி.பிரகாசுக்கு நன்றி சொன்ன ...
• 
  மீண்டும் கமல்ஹாசன் தயாரிப்பில் சிவகார்த்திகேயன்?