ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பழைய பாடல்களை ரீ-மிக்ஸ் செய்வது அவ்வப்போது நடந்து கொண்டே இருக்கிறது. இளையராஜாவின் பல பாடல்களை பல இசையமைப்பாளர்கள் ரீ-மிக்ஸ் செய்துள்ளனர். இசையமைப்பாளர் யுவன் ஷங்கர் ராஜாவும் தன் தந்தை இளையராஜா இசையமைத்த பாடல்களை தொடர்ந்து அவர் இசையமைக்கும் படங்களில் பயன்படுத்தி வருகிறார்.
சுந்தர்.சி இயக்கத்தில் ஜீவா, ஜெய், ஸ்ரீகாந்த், அம்ரிதா ஐயர், மாளவிகா சர்மா, ரைசா வில்சன், ஐஸ்வர்யா தத்தா, டிடி, யோகி பாபு உள்ளிட்டோர் நடிப்பில் உருவாகி வரும் படம் ‛காபி வித் காதல்'. இந்த படத்திற்கு யுவன் ஷங்கர் ராஜா இசையமைக்கிறார். நீண்ட இடைவெளிக்கு பின் சுந்தர் சி இயக்கும் படத்திற்கு யுவன் இசையமைக்கிறார்.
காதல், காமெடி கலந்த படமாக உருவாகி வரும் இந்த படத்தின் முதல் பாடலான ‛ரம் பம் பம்' என்ற பாடலை இன்று மாலை வெளியிடுகின்றனர். இதற்கான புரொமோ வீடியோ வெளியாகி உள்ளது. ஏற்கனவே இளையராஜா இசையமைத்த ‛மைக்கேல் மதன காமராசன்' படத்தில் இடம் பெற்ற ‛ரம் பம் பம் ஆரம்பம்...' பாடல் தான் இது.
கமல் நடிப்பில் இளையராஜா இசையில் வெளியான மைக்கேல் மதன காமராசன் படத்தில் இடம் பெற்ற சூப்பர் ஹிட் பாடலான ‛பேரு வச்சாலும் வைக்காம போனாலும் மல்லி வாசம்' என்ற பாடலை சந்தானம் நடித்த டிக்கிலோனா படத்திற்காக பயன்படுத்தினார் யுவன். இந்த பாடலுக்கு நல்ல வரவேற்பு கிடைத்தது. அதே பாணியில் இப்போது இதே படத்தில் இடம் பெற்ற மற்றொரு ஹிட் பாடலான ரம் பம் பம் ஆரம்பம்... என்ற பாடலையும் சுந்தர் சி படத்திற்காக அப்பா இளையராஜா அனுமதி உடன் பயன்படுத்தி உள்ளார் யுவன். இந்த பாடலுக்கு நல்ல வரவேற்பு கிடைக்கும் என எதிர்பார்க்கப்படுகிறது.