Dinamalar

'விக்ரம் 3'க்கும் லோகேஷ் கனகராஜ் தான் இயக்குநர்: கமல்

லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் உருவான விக்ரம் திரைப்படம், ஜூன் 3ம் தேதி வெளியாகிறது. இந்நிலையில், சென்னையில் நடந்த செய்தியாளர் சந்திப்பில் நடிகர் கமல் மற்றும் இயக்குனர் லோகேஷ் கனகராஜ் கலந்து கொண்டு பத்திரிகையாளர்களின் கேள்விகளுக்கு பதிலளித்தனர்.

கேள்விகளுக்கு கமல் அளித்த பதிலில் கூறியதாவது: படத்தில் கூட இவ்வளவு வேலை பார்க்கவில்லை. இப்போது சுழன்று சுழன்று வேலை பார்க்கிறேன். 4 வருடம் என் ரசிகர்களை காக்க வைத்ததற்கு மன்னிப்பு கேட்டுக் கொள்கிறேன். லோகேஷ் கனகராஜ்க்கு நன்றி கூறினால் அவர் அன்னியப்பட்டுவிடுவார். நல்ல படம் எடுத்துள்ளோம். அது வெற்றி பெறும் என நம்புகிறோம். ரசிகர்களுக்கு நல்ல விருந்து காத்திருக்கிறது. என்னிடம் பெரிய அளவில் பணம் இல்லை. என்னுடைய வருமானத்தை மக்களுக்காக பயன்படுத்துவேன்.

கருணாநிதி பிறந்தநாளில் படம் வெளியாவது எதிர்பாராமல் நடந்தது. என் திறமையை வளர்த்து கொள்ள முன்னோடியாக இருந்ததில் கருணாநிதியும் ஒருவர். 'விக்ரம் 3'க்கும் லோகேஷ் கனகராஜ் தான் இயக்குநர் என்பதை நான் முடிவு செய்து விட்டேன். 'இந்தியன் 2' எனது அடுத்த படங்களில் நிச்சயம் இடம் பெறும். இவ்வாறு அவர் கூறினார்.

லோகேஷ் கனகராஜ் பேசுகையில், நடிகர் கமலுக்கு என் முதல் நன்றி. அவரை பார்த்து தான் சினிமா கற்றுக் கொண்டேன். விக்ரம் படத்தில் திருப்திகரமான விஷயம் ஒன்று நடந்துள்ளது. படத்தை பார்த்தால் உங்களுக்கு அது புரியும் என பேசினார்.

• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்
• 
  துரந்தர் 2 டிரைலர் : 5 மொழிகளில் 65 மில்லியன் பார்வைகள்
• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்

• 
  தலைவா படத்தில் பிரச்னைக்குரிய வார்த்தைகளை சேர்த்தது யார்? : சஸ்பென்ஸ் ...
• 
  சூர்யா தெலுங்கில் நடிக்கும் படம் பிரித்விராஜ் படத்தின் தழுவலா ?
• 
  சூரி படத்தில் காமெடியனாக நடிக்க வேண்டும் : யோகி பாபு விருப்பம்
• 
  அல்லு அர்ஜுன் படத்திற்கு அனிருத் சம்பளம் எவ்வளவு தெரியுமா...
• 
  15வது திருமணநாள் : மனைவிக்கு காஸ்ட்லி கார் பரிசளித்த அல்லு அர்ஜுன்