ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஒரு பெரிய நடிகரின் படம் வந்தால் அதே சமயத்தில் வேறு படங்கள் வருவதை பெரிய நடிகரின் ரசிகர்கள் அவ்வளவு சீக்கிரத்தில் ஏற்றுக் கொள்ள மாட்டார்கள். இந்த வாரத்தைப் பொறுத்தவரையில் இன்று 'பீஸ்ட்' படம் வெளியானது, நாளை 'கேஜிஎப் 2' படம் வெளியாக உள்ளது.
விஜய் நடிக்கும் 'பீஸ்ட்' படத்துடன் 'கேஜிஎப் 2' படம், அதுவும் ஒரு கன்னட டப்பிங் படம் போட்டி போடுவதா என விஜய் ரசிகர்கள் பலரும் 'கேஜிஎப் 2' பற்றி சமூக வலைத்தளங்களில் அதிகமாகக் கமெண்ட் செய்தார்கள். ஆனால், 'கேஜிஎப் 2' நாயகன் யஷ், இது போட்டியல்ல, இரண்டு படங்களையும் கொண்டாடுங்கள் என்று கூறினார்.
இன்று 'பீஸ்ட்' படம் வெளிவந்துவிட்டது. படத்திற்கு அதிகமான நெகட்டிவ் விமர்சனங்கள்தான் வந்து கொண்டிருக்கிறது. எனவே, நாளை முதல் 'கேஜிஎப் 2' படம் 'பீஸ்ட்' போட்டியை எளிதில் சமாளித்துவிடும் என்கிறார்கள். குறிப்பாக தமிழகத்தைத் தவிர மற்ற மாநிலங்களில் 'கேஜிஎப் 2' படத்திற்கு தானாகவே வரவேற்பு கிடைத்துவிடக் கூடிய வாய்ப்பு உள்ளது.
'பீஸ்ட்' கதாநாயகன் 'ரா' அதிகாரியான வீரராகவன், 'கேஜிஎப் 2' ரவுடி ராக்கிக்கு எளிதில் வழியை ஏற்படுத்திக் கொடுத்துவிட்டார் என்பதுதான் திரையுலகில் பேச்சாக உள்ளது.