Dinamalar

புகழ் பெற்ற பிரான்ஸ் 'கிரான்ட் ரெக்ஸ்' தியேட்டரில் வலிமை

உலக அளவில் முக்கியமான தியேட்டர்களில் ஒன்றாக பிரான்ஸ் நாட்டின் பாரிஸ் நகரில் உள்ள 'லீ கிரான்ட் ரெக்ஸ்' தியேட்டரும் ஒன்றாகும். அங்குள்ள 2700 இருக்கைகள் கொண்ட தியேட்டரில் அஜித் நடித்துள்ள 'வலிமை' படம் பிப்ரவரி 25ம் தேதியன்று இரவு 8.15 மணிக்கு திரையிடப்பட உள்ளது. இதற்கான முன்பதிவு இன்று முதல் ஆரம்பமாகியுள்ளது.

பிரான்ஸ் நாட்டில் மட்டும் சுமார் 57 தியேட்டர்களில் இப்படம் திரையிடப்பட உள்ளது. அதற்கான முன்பதிவுகள் ஏற்கெனவே ஆரம்பமாகியுள்ளன. அங்குள்ள நகரப் பேருந்துகளில் கூட படத்தின் விளம்பரம் இடம் பெற்றுள்ளது. அந்நாட்டில் உள்ள அஜித் ரசிகர்கள் கிரான்ட் ரெக்ஸ் தியேட்டரில் படம் திரையிடப்படுவது குறித்து மகிழ்ச்சியாக உள்ளார்களாம்.

கடந்த சில வருடங்களில்தான் அத்திரையரங்கில் தமிழ்ப் படங்கள் திரையிடப்பட்டு வருகிறது. முதன் முதலில் ரஜினிகாந்த் நடித்த 'கபாலி' படம் திரையிடப்பட்டது. அதற்குப் பிறகு விஜய், அஜித் நடித்து வெளியாகும் படங்களும் திரையிடப்பட ஆரம்பித்தன.

'வலிமை' பட திரையிடல் குறித்து கிரான்ட் ரெக்ஸ் தியேட்டர் நிர்வாகமும் வலைதளத்தில் 'தல அஜித்' என்று குறிப்பிட்டுள்ளது. அன்றைய காட்சிக்கு ஒரு டிக்கெட்டின் விலை 20 யூரோ, இந்திய ரூபாய் மதிப்பில் 1690 ரூபாய்.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி