Dinamalar

தயாராகும் அஜித் : வைரலாகும் ‛ஏகே 61' பட லுக்

அஜித்தின் வலிமை படம் பிப்., 24ல் தமிழ், தெலுங்கு, கன்னடம், ஹிந்தி மொழிகளில் வெளியாகிறது. இந்த படத்தை அடுத்து மீண்டும் இயக்குனர் வினோத், தயாரிப்பாளர் போனி கபூர் கூட்டணியில் 3வது முறையாக அஜித் இணைகிறார். அஜித்தின் 61வது படமாக உருவாகும் இதன் படப்பிடிப்பு அடுத்தமாதம் துவங்குகிறது. தற்போது இந்த படத்திற்கான பணிகள் துவங்கி உள்ளன. குறிப்பாக சென்னை மவுண்ட் ரோடு போன்று செட் அமைக்கும் பணிகள் மும்முரமாய் நடந்து வருகின்றன.

இந்நிலையில் அஜித் 61 படம் பற்றிய ஒரு தகவலை வெளியிட்டுள்ளார். போனி கபூர் அதில் அஜித்தின் 61வது படத்திற்கான லுக் நெகட்டிவ் போட்டோவாக வெளியிடப்பட்டு, AK61 படத்திற்கான ஆயத்தம் என போனி கபூர் அறிவித்துள்ளார். இந்த போட்டோவில் அஜித் தாடியுடன் உள்ளார்.

அதேசமயம் சென்னையில் ஒரு நிகழ்வில் அஜித் பங்கேற்ற போட்டோ ஒன்று காலை முதல் சமூகவலைதளங்களில் வைரலானது. அந்த போட்டோவில் அஜித் நீண்ட தாடி உடன் காணப்பட்டார். இப்போது போனி கபூரும் அது மாதிரியான ஒரு போட்டோவையே வெளியிட்டுள்ளார். இதை வைத்து பார்க்கும் போது நேர்கொண்ட பார்வை படத்தில் வருவது போன்று தாடி உடன் படத்தில் வருவார் என தெரிகிறது. அதேசமயம் இந்த தாடி லுக் ஸ்டைலாக இருக்கும் என எதிர்பார்க்கப்படுகிறது.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  ஒரே காரில்... ஒரே கலரில்...: ஜோடியாக திருமண நிகழ்ச்சியில் பங்கேற்ற விஜய், ...
• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...
• 
  விஜய்யின் ஜனநாயகனுக்கு மார்ச் 17ல் சென்சார் சான்றிதழ்!
• 
  லெஜெண்ட் சரவணனின் 'லீடர்' படத்தின் டீசர் வெளியானது!
• 
  சிக்ஸ் பேக் விபரீதமான முயற்சி! - நடிகர் பரத்