Dinamalar

மன்மத லீலை - ஆபாசப் பட இயக்குனராக மாறுகிறாரா வெங்கட் பிரபு ?

'சென்னை 28' படம் மூலம் சிம்பிளான, யதார்த்தமான, ஜாலியான ஒரு சென்னைப் படத்தைக் கொடுத்து தமிழ் சினிமா உலகத்தையே தன் பக்கம் திரும்பிப் பார்க்க வைத்தவர் வெங்கட் பிரபு. அவரது இயக்கத்தில் சமீபத்தில் வெளிவந்த 'மாநாடு' படமும் வித்தியாசமான படமாக அமைந்து பெரிய வெற்றியைப் பெற்றது.

வெங்கட் பிரபு தற்போது 'மன்மத லீலை' என்ற படத்தை இயக்கி முடிக்க உள்ளார். விரைவில் வெளியாக உள்ள இப்படத்தின் முன்னோட்டம் ஒன்று யு டியூபில் நேற்று வெளியானது. அதில் படத்தின் நாயகன் அசோக் செல்வன், நாயகிகளில் ஒருவரான ரியா சுமன் இருவரும் நடித்துள்ள முத்தக் காட்சி மட்டுமே இடம் பெற்றுள்ளது. தமிழ் சினிமாவில் இதுவரை வெளிவந்துள்ள முன்னோட்ட வீடியோக்களில் இப்படி ஒரு வீடியோ வந்திருக்க வாய்ப்பேயில்லை.

முன்னோட்டத்திற்கு முன்பு வேகமாக நகரும் சில காட்சிகளில் பெண்களின் மார்புப் பகுதிகள் க்ளோசப் காட்சிளாக இடம் பெற்றுள்ளன. யு டியூபிற்கு சென்சார் இல்லை என்பதால் இப்படியான காட்சிகள் இடம் பெறுகிறது. இதனால்தான் பலரும் யு டியுப் வீடியோக்களுக்கும் சென்சார் வேண்டும் என்ற கோரிக்கையை வைக்கிறார்கள்.

வித்தியாசமான படங்களை எடுத்து வந்த வெங்கட் பிரபு இப்படி ஒரு ஆபாச முன்னோட்ட வீடியோவை வெளியிட்டுள்ளாரே என்று திரையுலகினர் அதிர்ச்சியடைந்துள்ளனர். இந்த டீசரை ரசித்து 'வேற லெவல்' என கமெண்ட் செய்து கொண்டாடி வருகிறது இளைய தலைமுறை. அதில் இடம் பெற்றுள்ள கமெண்ட்டுகளைப் பார்த்தால் இந்த முன்னோட்ட வீடியோவையே தடை செய்துவிடலாம் என்று கூடத் தோன்றும்.

படத்திற்கு இலவச விளம்பரம் கிடைக்க இது போன்ற சர்ச்சைகள் அவர்களுக்கு பெரிதும் உதவுகிறது என்பதையும் மறுப்பதற்கில்லை.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி