Dinamalar

‛பிக்பாஸ் அல்டிமேட்' ஆட்டம் ஆரம்பமானது

விஜய் தொலைக்காட்சியில் ஒளிபரப்பாகி வந்த நட்சத்திர நிகழ்ச்சி பிக்பாஸ். இந்த நிகழ்ச்சி தற்போது பிக்பாஸ் அல்டிமேட் என்ற பெயரில் டிஸ்னிபிளஸ் ஹார்ஸ்டார் ஓடிடி தளத்தில் ஒளிபரப்பாகிறது. இந்த நிகழ்ச்சியை 24 மணி நேரமும் பார்க்கலாம்.

இந்த நிகழ்ச்சியில் ஏற்கெனவே விஜய் டிவி நடத்திய பிக்பாஸ் நிகழ்ச்சியில் கலந்து கொண்ட சுரேஷ் சக்கரவர்த்தி, அபினய், நிரூப், வனிதா விஜயகுமார், பாலாஜி முருகதாஸ், ஜூலி, ஸ்ருதி, சுஜா வருனி, அனிதா சம்பத், தாமரை, ஷாரிக், தாடி பாலாஜி, சினேகன் மற்றும் அபிராமி உள்ளிட்ட 14 போட்டியாளர்கள் கலந்து கொள்கிறார்கள். இந்த நிகழ்ச்சியையும் கமல்ஹாசனே தொகுத்து வங்குகிறார்.

இந்த நிகழ்ச்சியின் அறிமுக நிகழ்ச்சி நேற்று நடந்தது. இந்த நிகழ்ச்சியின் முதல் போட்டியாளராக வனிதாவை அழைத்தார் கமல்ஹாசன். தொடர்ச்சியாக 14 போட்டியாளர்களையும் வரவழைத்து அவர்களுடன் கலந்துரையாடி அவர்களுக்கு பரிசு பொருட்களை வழங்கி வீட்டுக்குள் அனுப்பி வைத்தார்.

நிகழ்ச்சியில் அவர் பேசியதாவது: பெரிய திரையில் இருந்து சின்னத்திரைக்கு வந்தேன், இப்போது சின்னத்திரையில் இருந்து கைபேசி திரைக்கு வந்திருக்கிறேன். நாளை கடிகாரத்துக்குள் வந்தாலும் அதற்கும் வருவேன். விஜய் டிவி பிக்பாஸை தினமும் ஒரு மணி நேரம்தான் பார்க்க முடிந்தது முழுமையாக பார்க்க முடியவில்லையே என்று கவலைப்பட்டவர்கள் இந்த நிகழ்ச்சியை 24 மணி நேரமும் பார்க்கலாம். ஒரு மணி நேரம் போதும் என்று நினைக்கிறவர்கள், தினமும் இரவு 9 மணிக்கு தொகுப்பை பார்க்கலாம்.

இந்த நிகழ்ச்சியில் கலந்து கொண்டிருப்பவர்கள் ஏற்கெனே பிக் பாஸ் வீட்டில் இருந்த அனுபவசாலிகள்தான். அவர்களில் சிலர் விட்ட இடத்தை பிடிக்க வந்திருக்கலாம் அல்லது தீர்க்க வேண்டிய கணக்கை தீர்க்க வந்திருக்கலாம். எப்படி இருந்தாலும் அவர்களின் விளையாட்டு உங்களை சுவாரஸ்யப்படுத்தும், பல விஷயங்களை கற்றுக் கொடுக்கும். நீங்கள் நிகழ்ச்சியை கவனியுங்கள். நீங்கள் சரியாக கவனிக்கிறீர்களா? என்று நான் உங்களை கவனிக்கிறேன். ஆட்டத்தை ஆரம்பிக்கலாமா?. என்றார் கமல்.

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்

• 
  'டகாய்ட்' பட ரிலீஸை முன்னிட்டு ஹீரோவுடன் திருப்பதி தரிசனம் செய்த ...
• 
  பிளாஷ்பேக்: புரட்சி நடிகரின் படத்தில், புலியுடன் சண்டையிட்ட புரட்சிப் ...
• 
  பாடலை மாதக்கணக்கில் மெருகேற்றும் ஹாரிஸ்: இயக்குனர் ஏ.எல்.விஜய்
• 
  ரஜினி, கமல் படத்தில் இந்த இளம் நடிகையா?
• 
  'தனுஷ் 56' படப்பிடிப்பு செப்டம்பரில் துவங்குகிறது!