Dinamalar

ஆர்ஆர்ஆர் டிரைலர் வெளியீடு - விஷூவல் ட்ரீட் நிச்சயம்

ராஜமவுலி இயக்கத்தில் ராம் சரண் தேஜா, ஜூனியர் என்டிஆர், அஜய் தேவ்கன், ஆலியா பட், சமுத்திரகனி உள்ளிட்ட நட்சத்திரங்கள் நடிப்பில் உருவாகி உள்ள படம் ‛ஆர்ஆர்ஆர்'. பாகுபலி படங்களுக்கு பின் ராஜமவுலி இயக்கத்தில் வெளியாகும் படம் என்பதால் இந்த படம் மீதான எதிர்பார்ப்பு அதிகமாக உள்ளது.

சுதந்திர போராட்ட காலத்தை மையப்படுத்தி கொமரபீம், அல்லுரி சீதாராம ராஜூ ஆகியோரின் வாழ்க்கை பயணமாக கதைக்களம் உருவாக்கப்பட்டுள்ளது. கீராவணி இசையமைத்துள்ளார். ஏற்கனவே படத்தின் சில பாடல்கள், டீசர் வெளியாகி வரவேற்பை பெற்ற நிலையில் இன்று(டிச., 9) டிரைலர் வெளியிடப்பட்டுள்ளது. டிரைலர் வெளியான சில நிமிடங்களிலேயே வரவேற்பை பெற்றுள்ளது. குறிப்பாக தெலுங்கு டீசர் வெளியான 10 நிமிடத்தில் 5 லட்சம் பார்வைகளையும், 1.2 லட்சம் லைக்குகளையும் பெற்றது.

படத்தின் கதைக்களம் இதுதான் : நெருங்கிய நண்பர்களாக ராம்சரணும், ஜூனியர் என்டிஆரும் இருக்கிறார்கள். ஆங்கிலேய படையில் இருக்கிறார் ராம் சரண். ஆங்கிலேயேர்களுக்கு எதிராக செயல்பட்டதாக நண்பர் ஜூனியர் என்டிஆரை கைது செய்யும் அளவுக்கு போகிறார் ராம் சரண். ஒருக்கட்டத்தில் ஆங்கிலேயேர்களின் கொடுமையை பொறுக்க முடியாமல் அவர்களுக்கு எதிராகவே களமிறங்குகிறார் ராம்சரண். அதன்பின் நண்பர்கள் ஜூனியர் எடிஆரும், ராம் சரணும் மீண்டும் இணைந்து ஆங்கிலேயர்களை எதிர்த்து போராடுவது போன்று கதை நகருவதை டிரைலரை பார்க்கும் போது புரிந்து கொள்ள முடிகிறது. கதை என்னமோ சாதாரணமானது போலத்தான் தெரிந்தாலும் ராஜமவுலி திரைக்கதை மற்றும் டிரைலரில் அவர் காட்டி உள்ள விஷூவல் ட்ரீட் நிச்சயம் படத்தை வேற லெவலுக்கு கொண்டு செல்லும் என்பதில் மாற்றுக்கருத்தில்லை.

தமிழ், தெலுங்கு, மலையாளம், கன்னடம், ஹிந்தி மொழிகளில் வெளியிடப்பட்ட டிரைலருக்கு தெலுங்கில் தான் அதிக வரவேற்பு கிடைத்துள்ளது. ஒரு மணிநேரத்திற்குள்ளாகவே 10 லட்சத்திற்கும் அதிகமான பார்வைகளையும், 4.45 லட்சம் லைக்குகளையும் பெற்றது. அடுத்து ஹிந்தி டிரைலருக்கு அதிக பார்வைகள் கிடைத்தன.
ஆர்ஆர்ஆர் படம் வருகிற ஜன., 7ல் உலகம் முழுக்க சுமார் 10 ஆயிரம் தியேட்டர்களில் வெளியாக போகிறது. அதோடு படத்தை 3டி, ஐமேக்ஸ் டால்பியிலும் திரையிட உள்ளனர்.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  வரலட்சுமி இயக்குனராக அறிமுகமாகும் 'எஸ் சரஸ்வதி' தெலுங்கில் மட்டும் ...
• 
  விஜய் தேவரகொன்டா - ராஷ்மிகா வரவேற்பு: தமிழ், கன்னடம், ஹிந்தி திரையுலகினர் ...
• 
  தான் எழுதிய 'மைல்கல்' புத்தகத்தை ரஜினியிடம் பரிசாக கொடுத்த இயக்குனர் ...
• 
  ஒரே காரில்... ஒரே கலரில்...: ஜோடியாக திருமண நிகழ்ச்சியில் பங்கேற்ற விஜய், ...
• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...