வலிமை படத்தை பார்த்துவிட்டு வினோத்துக்கு ஆச்சரியம் அளித்த அஜித்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

01 டிச, 2021 - 12:03 IST

எழுத்தின் அளவு:

Ajith-surprised-Vinoth-after-watching-Valimai

அஜித் தற்போது எச். வினோத் இயக்கத்தில் வலிமை படத்தில் நடித்துள்ளார். பாலிவுட் நடிகை ஹுமா குரேஷி இந்தப் படத்தில் கதாநாயகியாக நடிக்கிறார். யுவன் ஷங்கர் ராஜா இசையமைக்கிறார். வலிமை படத்திற்கு தமிழ் சினிமாவில் அதிக எதிர்பார்ப்பு நிலவி வருகிறது. படத்தின் மோஷன் போஸ்டர், பர்ஸ்ட் லுக் மற்றும் டீசர் வெளியாகி வரவேற்பு பெற்றன. இரண்டு வருடங்களாக அப்டேட் கேட்டு வந்த ரசிகர்களுக்கு மோஷன் போஸ்டர், பர்ஸ்ட் லுக், டீசர் என உற்சாகத்தில் உறைய வைத்தனர் படக்குழுவினர். படத்தை பொங்கல் வெளியீடாக ஜனவரி 12 அல்லது 13ல் வெளியிட முடிவு செய்துள்ளனர்.

இந்நிலையில் படம் பற்றி ஒரு புது தகவல் வெளியாகியுள்ளது. பொதுவாக அஜித் தான் நடிக்கும் படங்களை வெளியீட்டுக்கு முன்பு பார்ப்பதில்லை. தனக்கான காட்சிகளை நடித்து முடித்துக் கொடுத்து டப்பிங் கையும் முடிப்பவர் அதன்பின் பட வெளியீட்டுக்கு பின்தான் படத்தை பார்ப்பார். ஆனால் வலிமை படத்தில் இதுவரை தமிழ் சினிமாவில் பார்த்திராத அளவுக்கு சேசிங் காட்சிகள் இருப்பதால் படத்தை பார்க்கும் ஆவல் அவருக்கு ஏற்பட்டுள்ளது. இயக்குனர் வினோத்திடம் சொல்லி தன்னுடைய வீட்டிலேயே படத்தை பார்த்துள்ளார். பார்த்து முடித்தவுடன் வினோத்தை வெகுவாக பாராட்டியவர் அவருக்கு ஒரு ஆச்சரிய பரிசும் கொடுத்துள்ளார். அடுத்த படத்தை வேறு இயக்குனருடன் பணிபுரிந்து விட்டு அதன் பின்னர் வினோத் உடன் பணி புரியலாம் என்று முதலில் திட்டமிட்டு இருந்தவர் தற்போது உடனடியாக வினோத் இயக்கத்தில் நடிக்கலாம் என்று திட்டமிட்டு இருப்பதாக சொல்கிறார்கள்.

Ajithkumar

Valimai

Directorvinoth

கருத்துகள் (0) கருத்தைப் பதிவு செய்ய

பிகினியில் குளோசப் வீடியோ ...

'ஆர்ஆர்ஆர்' டிரைலர் வெளியீடு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய