3 ஆண்டுகளுக்கு பிறகு மீண்டும் சினிமாவில் நகுல்

27 நவ, 2021 - 12:34 IST

0 கருத்துகள் கருத்தைப் பதிவு செய்ய

எழுத்தின் அளவு:

பாய்ஸ் படத்தில் குண்டு பையனாக அறிமுகமானவர் நகுல். நடிகை தேவயானியின் தம்பி. 30 கிலோ வரை எடை குறைத்து காதலில் விழுந்தேன் படத்தில் ஹீரோவானார். அதன்பிறகு மாசிலாமணி, கந்தகோட்டை, நான் ராஜாவாக போகிறேன். வல்லினம், தமிழுக்கு எண் ஒன்றை அழுத்தவும், நாரதன், பிரம்மா.காம் படங்களில் நடித்தார். கடைசியாக செய் என்ற படத்தில் நடித்தார்.

அதன்பிறகு சினிமா வாய்ப்புகள் குறைந்து விடவே சின்னத்திரை பக்கம் சென்றார். டான்ஸ் வெசஸ் டான்ஸ், பிக்பாஸ் ஜோடிகள் நிகழ்ச்சியில் நடுவராக இருந்தார். தற்போது 3 வருடங்களுக்கு பிறகு வாஸ்கோடகாமா என்ற படத்தில் ஹீரோவாக நடிக்கிறார்.

இந்த படத்தை 5656 புரொடக்ஷன் சார்பில் டத்தோ பி .சுபாஷ்கரன் தயாரிக்கிறார். கதை திரைக்கதை எழுதி ஆர்.ஜி.கிருஷ்ணன் இயக்குகிறார். வாஞ்சி நாதன் ஒளிப்பதிவு செய்கிறார், என்.வி.அருண் இசை அமைக்கிறார். படத்தின் படப்பிடிப்புகள் பூஜையுடன் நேற்று தொடங்கியது.

இயக்குநர் ஆர்.ஜி.கிருஷ்ணன் கூறியதாவது: குரங்கிலிருந்து வந்த மனிதன் படிப்படியாக நாகரிக வளர்ச்சி அடைந்தான். இன்னும் எதிர்காலத்தில் என்னவாக ஆவான்? அவனது மனநிலையும் குணம் இன்னும் சில நூறு ஆண்டுகளுக்குப்பின் எப்படி மாறும் என்பதை சொல்லும் படம். இயக்குநர் கே. எஸ். ரவிக்குமார், ஆனந்தராஜ், முனிஸ்காந்த் போன்ற பரிச்சயமான நட்சத்திரங்களும் படத்தில் உள்ளனர். படப்பிடிப்பு சென்னையிலும், சென்னையின் சுற்றுப் பகுதிகளிலும் நடைபெற உள்ளது. என்கிறார்.

Actornakul

vascodagamamovie

கருத்துகள் (0) கருத்தைப் பதிவு செய்ய

மாஸ்டர் மகேந்திரனின் பொண்ணு ...

மட்டி படத்தை ஓடிடிக்கு கொடுக்க ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய