Dinamalar

ராமராஜன் பற்றி பரவிய வதந்திகளை நம்ப வேண்டாம்

சினிமாவில் ஒவ்வொருத்தரும் ஒவ்வொரு ஸ்டைலில் நடித்து தங்களுக்கு என ஒரு பாதையை உருவாக்கி, அதில் வெற்றி கண்டனர். அந்தவகையில் தமிழ் சினிமாவில் கிராமத்து ஸ்டைலில் நடித்து வெற்றி பெற்ற நடிகராக வலம் வந்தவர் ராமராஜன். கரகாட்டக்காரன் தொடங்கி அவரது பல படங்கள் வசூலில் சாதனை புரிந்தது வரலாறு. அரசியலிலும் ஒரு ரவுண்ட் வந்த இவர் எம்.பி.யாகவும் இருந்துள்ளார். தற்போது சினிமாவை விட்டு சற்று ஒதுங்கியிருந்தாலும் சினிமா தொடர்பான பணிகளில் ஈடுபட்டு வருகிறார்.

இந்நிலையில் அவ்வப்போது இவரைப்பற்றியும், இவரது உடல்நிலை பற்றியும் சில வதந்திகள் பரவும். அப்படி இப்போதும் சில வதந்திகள் சமூகவலைதளங்களில் பரவின. இதுகுறித்து அவர் சார்பில் வெளியிட்டுள்ள அறிக்கை : ‛‛ராமராஜனை பற்றி தற்சமயம் தவறான வதந்தியை பரப்பி வருகிறார்கள். யாரும் அதை நம்ப வேண்டாம். அவர் பூரண நலத்துடன் இருக்கிறார். இரண்டு படங்களுக்கு தனது கதையை தந்துள்ள ராமராஜன் அடுத்ததாக இரண்டு படங்களில் நடிப்பதற்கு தன்னை தயார்படுத்தி வருகிறார். ராமராஜன் உடல் நலத்துடனும், மனவலிமையுடனும் இருக்கிறார். விரைவில் அவர் நடிக்கும் பட துவக்க விழாவில் கலந்து கொள்வார்'' என்றார்.

• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...
• 
  தடை செய்யப்பட்ட துரந்தர் படம் பார்ப்பதற்காகவே இந்தியா வந்தார்கள் : ...
• 
  பிரியங்கா சோப்ராவின் தி பிளப் ஓடிடியில் வெளியானது
• 
  என்னை வேறொரு கோணத்தில் காட்டும் படம்: ஜதின் சர்னா
• 
  கேரளா ஸ்டோரி 2 வெளியீடு குறித்து வழக்கு, அடுத்தக்கட்ட நகர்வு என்ன

• 
  இந்த வார ஓடிடியில் வரிசைக்கட்டும் க்ரைம் த்ரில்லர் படங்கள்....!
• 
  நானி படத்தில் இணைந்த பிரித்விராஜ்
• 
  ஐஸ்வர்யா ரஜினி இயக்கும் ‛டெக்ஸ்லா' : யுவன் இசை
• 
  நடிகையுடன் உறவு: விவாகரத்து கேட்டு நடிகர் விஜய் மனைவி சங்கீதா மனு
• 
  மோடி, அமித்ஷாவிடம் வாழ்த்து பெற்ற விஜய் தேவரகொண்டா, ராஷ்மிகா