Dinamalar

டைம் ஸ்கொயரில் வெளியிடப்பட்ட எம்புரான் பட டிரைலர்

புதிதாக வெளியாகும் பல பிரம்மாண்ட படங்கள் தங்களது படத்தின் டீசர், டிரைலர் ஆகியவற்றை நியூயார்க்கில் உள்ள டைம் ஸ்கொயரில் வெளியிடுவதை ஒரு மிகப்பெரிய கவுரவமாகவே நினைக்கின்றனர். அந்த வகையில் மோகன்லால் நடிப்பில் நடிகர் பிரித்விராஜ் இயக்கத்தில் உருவாகியுள்ள எம்புரான் படத்தின் டிரைலர் தற்போது டைம் ஸ்கொயரில் வெளியிடப்பட்டுள்ளது. அந்த தருணத்தில் கிட்டத்தட்ட 10 ஆயிரத்துக்கு மேற்பட்ட மோகன்லாலின் ரசிகர்கள் அங்கே கூடி ஆரவாரம் செய்து இந்த டீசரை பார்த்து ரசித்தனர்.

இது குறித்து படத்தின் இயக்குனரும், நடிகருமான கூறும்போது, “உலகெங்கிலும் இருந்து ரசிகர்களிடம் இவ்வளவு அன்பு கிடைத்திருப்பது மிகப் பெருமையாக இருக்கிறது. அதிலும் டைம் ஸ்கொயரில் எம்புரான் டீசர் திரையிடப்பட்ட போதும் சரி.. சாதனை படைக்கும் அளவிற்கு எம்புரான் டிக்கெட் விற்கப்பட்டதிலும் சரி இந்த படத்தின் மீது அவர்கள் எவ்வளவு எதிர்பார்ப்பு வைத்திருக்கிறார்கள் என்பதை உணர முடிகிறது. அவர்களுடன் சேர்ந்து பெரிய திரையில் இந்த அனுபவத்தை கண்டுகளிக்க நானும் தயாராக இருக்கிறேன்” என்று கூறியுள்ளார்.

கடந்த 2019ல் பிரித்விராஜ் முதல் முறையாக இயக்குனராக அறிமுகமான லூசிபர் படத்தின் இரண்டாம் பாகமாக தான் இந்த எம்புரான் திரைப்படம் உருவாகியுள்ளது குறிப்பிடத்தக்கது.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  கேரள அரசு சினிமா ஸ்டுடியோ திறப்பு விழாவை புறக்கணித்த மலையாள திரைப்பட ...
• 
  துபாயில் சிக்கி தவிக்கும் அண்ணன்; ஹைதராபாத்தில் 3வது திருமண விழா நிகழ்வை ...
• 
  திலீப் படத்தை இயக்குகிறேனா? 'மஞ்சும்மேல் பாய்ஸ்' இயக்குனர் மறுப்பு
• 
  கஞ்சா பயன்படுத்தியதாக மலையாள நடிகரின் மகன் கைது ; தந்தையின் நம்பிக்கையை ...
• 
  கேரள அரசு பஸ் புரமோஷனுக்காக 100வது படத்திற்கு முன்பே மோகன்லாலை இயக்கிய ...