Dinamalar

எல்லாம் விளம்பரம் தானா? - வைரலாகும் மஞ்சு வாரியர் வீடியோ

மலையாள நடிகை மஞ்சு வாரியர் தற்போது மலையாளம், தமிழ் என இரு மொழிகளிலும் மாறி மாறி நடிக்கும் அளவிற்கு பிஸியான நடிகையாக மாறிவிட்டார். விடுதலை 2 படத்தில் விஜய்சேதுபதிக்கு ஜோடியாக நடித்துள்ள அவர், வேட்டையன் படத்திலும் முக்கிய வேடத்தில் நடித்துள்ளார்.

அதேபோல மலையாளத்தில் அவர் நடித்துள்ள புட்டேஜ் என்கிற திரைப்படமும் விரைவில் வெளியாக இருக்கிறது. பவுண்ட் புட்டேஜ் த்ரில்லர் ஆக உருவாகி இருக்கும் இந்த படத்தை அஞ்சாம் பாதிரா, கும்பலாங்கி நைட், மகேஷிண்டே பிரதிகாரம் உள்ளிட்ட படங்களில் படத்தொகுப்பாளராக பணியாற்றிய ஷைஜு ஸ்ரீதரன் இயக்கியுள்ளார். மஞ்சு வாரியர் தவிர விசாக் நாயர் மற்றும் காயத்ரி அசோக் முக்கிய கதாபாத்திரங்களில் நடித்துள்ளனர். இந்த படம் வரும் ஆகஸ்ட் இரண்டாம் தேதி வெளியாக இருக்கிறது.

இந்த நிலையில் மஞ்சு வாரியர் ஒரு ஹோட்டல் காரிடார் ஒன்றில் நின்றபடி யாரோ ஒருவருடன் மொபைல் போனில் மும்முரமாக பேசிக்கொண்டிருக்க அங்கு வரும் ஆண், பெண் இளம் ரிப்போர்ட்டர் இருவர் மஞ்சுவாரியரை பார்த்ததும் அனுமதி இல்லாமலேயே அவரது முகத்திற்கு நேராக மைக்கை நீட்டி கேள்விகள் கேட்க துவங்குவதும், ஒருவர் மஞ்சுவாரியரை புகைப்படம் எடுப்பதும் மொபைல் போன் பேசிக்கொண்டே மஞ்சு வாரியர் அவர்களை தடுப்பதுமாக ஒரு வீடியோ சோசியல் மீடியாவில் வெளியாகி பரபரப்பை ஏற்படுத்தியது.

ஆனால் இது நிஜ வீடியோ அல்ல. புட்டேஜ் படத்தின் புரமோஷனுக்காக எடுக்கப்பட்ட ஒரு வீடியோ என்று தெரியவந்துள்ளது. அதுமட்டுமல்ல மஞ்சுவாரியரை தொந்தரவு செய்யும் ரிப்போர்ட்டர்களாக படத்தில் நடித்துள்ள விசாக் நாயர் மற்றும் காயத்ரி அசோக் தான் இந்த புரோமோ வீடியோவில் இடம் பெற்றுள்ளார்கள் என்பதும் குறிப்பிடத்தக்கது. புரமோஷனுக்காக என்னவெல்லாம் செய்கிறார்கள்.

• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...
• 
  தடை செய்யப்பட்ட துரந்தர் படம் பார்ப்பதற்காகவே இந்தியா வந்தார்கள் : ...
• 
  பிரியங்கா சோப்ராவின் தி பிளப் ஓடிடியில் வெளியானது
• 
  என்னை வேறொரு கோணத்தில் காட்டும் படம்: ஜதின் சர்னா
• 
  கேரளா ஸ்டோரி 2 வெளியீடு குறித்து வழக்கு, அடுத்தக்கட்ட நகர்வு என்ன

• 
  தேர்தல் நெருங்கும் வேளையில் முதல்வரை நேர்காணல் செய்த மோகன்லால்
• 
  ரசிகர்களை குஷிப்படுத்திய பேட்ரியாட் செகண்ட் லுக் போஸ்டர்
• 
  மோகன்லாலின் முதல் படத்தில் இணைந்து நடித்த நடிகர் காலமானார்
• 
  கேரளாவில் முதன்முறையாக பஞ்சாயத்து நிர்வாகத்தால் கட்டப்பட்ட தியேட்டர் : ...
• 
  நிலச்சரிவில் கால் இழந்த பெண்ணுக்கு செயற்கைக்கால் மற்றும் சொந்த வீடு ; ...