Dinamalar

வாழ்த்து பெற சென்ற மருமகனிடம் கேள்வி கேட்ட மம்முட்டி

மலையாள திரையுலகில் கடந்த 40 வருடங்களாக முன்னணி நடிகராகவே நடித்து வருபவர் மம்முட்டி. அவரைத் தொடர்ந்து அவரது குடும்பத்தில் இருந்து அவரது மகன் துல்கர் சல்மான் கடந்த 10 வருடங்களுக்கு முன்பு கதாநாயகனாக அருகில் அறிமுகமாகி தந்தையை போலவே தென்னிந்திய அளவில் பிரபல ஹீரோவாக வெற்றிநடை போட்டு வருகிறார். பாலிவுட்டிலும் கூட நுழைந்து விட்டார். இதை தொடர்ந்து சில வருடங்களுக்கு முன்பு மம்முட்டியின் சகோதரர் மகன் மக்பூல் சல்மான் கதாநாயகனாக அறிமுகமானார். ஆனாலும் பெரிய அளவில் வரவேற்பு கிடைக்காத நிலையில் சில படங்களில் குணசித்திர கதாபாத்திரங்களில் நடித்து வருகிறார்.

அதேபோல மம்முட்டியின் சகோதரி மகனான அஸ்கர் சவுதன் என்பவர் ஆரம்பத்தில் சீரியல்களில் அறிமுகமாகி அதன்பிறகு சினிமாவில் நுழைந்தாலும் பெரிய அளவில் வாய்ப்புகள் தேடி வரவில்லை. இந்த நிலையில் சுரேஷ் பாபு என்பவர் இயக்கத்தில் உருவாகி வரும் டிஎன்ஏ என்கிற படத்தில் கதாநாயகனாக நடித்து வருகிறார் அஸ்கர் சவுதன். இந்த படத்தின் படப்பிடிப்பு தளத்திலிருந்து வீடியோ ஒன்று வெளியாகி வைரலானது. காரணம் இளம் வயதில் மம்முட்டி எப்படி இருப்பாரோ அதேபோன்ற தோற்றத்தில் காணப்படுகிறார் அஸ்கர் சவுதன்.

மேலும் இந்த படத்தில் நடிப்பது குறித்து மம்முட்டியிடம் தெரிவித்து ஆசீர்வாதம் வாங்க சென்றபோது அவரிடம், டிஎன்ஏ என்றால் என்ன என்று கேள்வி எழுப்பியுள்ளார் மம்முட்டி. அதற்கு பதில் சொல்ல தெரியாமல் முழித்த அஸ்கரிடம் டி ஆக்ஸிரிபோ நியூக்ளிக் ஆசிட் என அதன் உயிரியல் பெயரை கூற, திகைத்து போய்விட்டாராம் அஸ்கர். ஆனால் படத்தின் டைட்டிலான டிஎன்ஏவுக்கு இதுதான் விளக்கமா என்பது தான் தெரியவில்லை.

• 
  பாலிவுட்டில் அடுத்த வாய்ப்பு : தாக்கு பிடிப்பாரா கீர்த்தி சுரேஷ்
• 
  'ஸ்லம்டாக் மில்லியனர்' மூலம் இப்போதும் ராயல்டி பெறும் அனில் கபூர்
• 
  'மாத்ருபூமி' ஆக மாறிய 'பேட்டில் ஆப் கல்வான்'
• 
  முன்பதிவில் 120 கோடி வசூல் கடந்த 'துரந்தர் 2'
• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...

• 
  ‛ஆடுஜீவிதம்' இயக்குனர் மகன் திருமணத்தில் கலந்து கொண்ட மோகன்லால் ...
• 
  தெலுங்கானா டிக்கெட் கட்டண உயர்வு : தடையை நீக்கிய உச்சநீதிமன்றம்
• 
  மம்முட்டிக்கு ஒரு நியாயம், சாதாரண நடிகருக்கு ஒரு நியாயமா ? : முதல்வர் மீது ...
• 
  பாலகிருஷ்ணாவுடன் செல்பி எடுக்க பயப்படும் ‛காந்தாரா' ஒளிப்பதிவாளர்
• 
  மகேஷ் பாபு ரசிகர்களிடம் மன்னிப்பு கேட்ட பவன் கல்யாண் பட இயக்குனர்