Dinamalar

த்ரிஷ்யம்-2 ஓடிடி ரிலீஸ் ; புதிய சிக்கல்

மலையாளத்தில் மோகன்லால் நடிப்பில் கடந்த சில மாதங்களுக்கு முன் வெளியான படம் த்ரிஷ்யம்-2. முதல் பாகத்தை போலவே இந்த இரண்டாம் பாகமும் ரசிகர்களை கவர்ந்து வெற்றி பெற்றது. தெலுங்கில் த்ரிஷயம் படத்தை ரீமேக் செய்து வெற்றியை ருசித்த நடிகர் வெங்கடேஷ் உடனடியாக த்ரிஷ்யம்-2 ரீமேக்கையும் துவங்கி முடித்து விட்டார். துல்லியமான வெற்றியை சொல்லி அடிப்பதற்காக முதல் பாகத்தை இயக்கிய நடிகை ஸ்ரீபிரியாவை ஒதுக்கிவிட்டு இயக்குனர் ஜீத்து ஜோசப்பையே இந்தப்படத்தை இயக்கவும் வைத்துவிட்டார்.

ஆனால் படம் தயாராகி சில மாதங்கள் ஆனாலும் கூட ரிலீசில் தாமதம் ஆகிக்கொண்டே வந்தது. இந்தநிலையில் வரும் நவ-25ம் தேதி அமேசன் பிரைமில் நேரடியாக வெளியாகிறது த்ரிஷ்யம்-2. ஆனால் அமேசான் பிரைமுக்கு முன்னதாக இந்தப்படத்தை டிஸ்னி ஹாட்ஸ்டார் ஓடிடி தளத்தில் வெளியிடுவதாக ஒப்பந்தம் செய்திருந்தாராம் தயாரிப்பாளர் சுரேஷ்பாபு.

ஆனால் தற்போது திடீரென அமேசான் பிரைமுடன் புதிய ஒப்பந்தம் போட்டு படத்தை வெளியிடுவதாக அறிவித்துவிட்டார். இதற்காக ஹாட்ஸ்டாருடன் போட்ட ஒப்பந்தத்தை கூட கேன்சல் செய்யாமல் தன்னிச்சையாக இந்த முடிவை எடுத்துள்ளார். இதனால் அதிர்ச்சியடைந்த ஹாட்ஸ்டார் நிறுவனம் இது தொடர்பாக அவர்மீது புகார் அளித்து வழக்கு தொடரும் வேலைகளில் இறங்கியுள்ளதாம்.

• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்

• 
  மம்முட்டிக்கு ஒரு நியாயம், சாதாரண நடிகருக்கு ஒரு நியாயமா ? : முதல்வர் மீது ...
• 
  பாலகிருஷ்ணாவுடன் செல்பி எடுக்க பயப்படும் ‛காந்தாரா' ஒளிப்பதிவாளர்
• 
  மகேஷ் பாபு ரசிகர்களிடம் மன்னிப்பு கேட்ட பவன் கல்யாண் பட இயக்குனர்
• 
  தள்ளிப்போகிறதா 'பேட்ரியாட்' ரிலீஸ் ? தேதி குறிப்பிடாமல் வெளியான ...
• 
  ஸ்வேதா மேனன் மீதான வழக்கை தள்ளுபடி செய்த உயர்நீதிமன்றம்