Dinamalar

ஹிந்தி நடிகர் தர்மேந்திரா காலமானார்

பாலிவுட்டின் எவர்கிரீன் நடிகர் தர்மேந்திரா, 89, உடல்நலக்குறைவால் மும்பையில் அவரது இல்லத்தில் காலமானார்.

பாலிவுட் திரையுலகின் பழம்பெரும் நடிகர் தர்மேந்திரா. காதல், ஆக் ஷன் என பலதரப்பட்ட வேடங்களில் நடித்து ரசிகர்களை கவர்ந்தவர். வயது மூப்பு காரணமாக, உடல்நலக்குறைவு ஏற்பட்டு, மும்பை தனியார் மருத்துவமனையில் சமீபத்தில் சிகிச்சை பெற்றார். குணம் அடைந்து வீடு திரும்பிய அவர், மருத்துவர்களின் தீவிர கண்காணிப்பில் இருந்தார். இந்நிலையில் இன்று மதியம் அவர் (நவ.,24) காலமானார்.

'ஆயி மிலன் கி பேலா', 'பூல் அவுர் பத்தர்', 'ஆயே தின் பஹார் கே', 'சீதா அவுர் கீதா', 'ராஜா ஜானி', 'ஜுக்னு', 'யாதோன் கி பாராத்', 'தோஸ்த்', 'ஷோலே', 'பிரதிக்ஞா', 'சரஸ்', 'தரம் வீர்' போன்ற பல படங்களில் சிறப்பாக நடித்தவர் தர்மேந்திரா. கடைசியாக 2023ல், கரண் ஜோஹர் இயக்கிய 'ராக்கி அவுர் ராணி கி பிரேம் கஹானி' படத்தில் அவர் நடித்து இருந்தார். தர்மேந்திரா 200க்கும் மேற்பட்ட ஹிந்தி படங்களில் நடித்துள்ளார்.

நடிகர், தயாரிப்பாளர், அரசியல்வாதி என்ற பன்முகத் தன்மையோடு திகழ்ந்தவர் தர்மேந்திரா. இவரது மறைவு செய்தி பாலிவுட் திரையுலகில் அதிர்ச்சியை ஏற்படுத்தி உள்ளது. இவரது மறைவுக்கு இந்திய திரையுலக பிரபலங்களும், ரசிகர்களும் சமூக வலைத்தளங்கள் வாயிலாக இரங்கல் தெரிவித்து வருகின்றனர். பாலிவுட் பிரபலங்கள் பலரும் தர்மேந்திரா வீட்டிற்கு வந்த வண்ணம் உள்ளனர்.

• 
  ரஜினியின் 'ஜெயிலர்-2' ரிலீஸ் ஜூனிலிருந்து ஆகஸ்ட்டுக்கு மாறுகிறது!
• 
  சென்னையில் சீர்காழி கோவிந்தராஜன் பெயரில் சாலை
• 
  எம்ஜிஆரின் 'இதயக்கனி' படத்தை பார்த்த எடப்பாடி பழனிசாமி
• 
  ராஜமவுலி படத்தை அடுத்து சந்தீப் ரெட்டி வங்கா படத்தில் நடிக்கும் மகேஷ் ...
• 
  திருமணத்திற்கு 10 நாளே இருக்கும் நிலையில் ஹிந்தி படத்திலிருந்து ...

• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா