இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
சின்ன நடிகர்கள் சிலர் ஆர்வக்கோளாறு காரணமாக தங்களை தாங்களே சூப்பர் ஸ்டார்.. லிட்டில் சூப்பர் ஸ்டார்... யங் சூப்பர் ஸ்டார் என்றெல்லாம் சொல்லிக்கொண்டாலும், உண்மையில் தமிழ்நாட்டைப் பொறுத்தவரை ரஜினி மட்டுமே சூப்பர் ஸ்டார்.
இதற்கு உதாரணங்கள் தேவையில்லை என்றாலும், பல்வேறு விஷயங்கள் இதை நிரூபித்துக் கொண்டே வருகின்றன. ரஜினிகாந்தின் 'கபாலி' டீஸர்தான், இந்திய சினிமாவிலேயே முதன் முதலில் யு டியூபில் 3 கோடி ஹிட்ஸை எட்டிய முதல் டீஸராக சாதனை புரிந்தது. 'கபாலி'யின் ரெக்கார்டை முறியடித்து இந்திய அளவில் அதிக பார்வையிடல்களைப் பெற்ற டிரைலாக சல்மான்கான் நடித்த 'சுல்தான்' படத்தின் டிரைலர் சாதனை புரிந்தது.
தற்போதுவரை 'சுல்தான்' படத்தின் டிரைலரை 3 கோடியே 43 லட்சத்திற்கும் மேற்பட்ட மக்கள் பார்த்துள்ளனர். 'கபாலி' டீஸரை 3 கோடியே 28 லட்சத்திற்கு மேற்பட்ட மக்கள் பார்த்துள்ளனர்.
இந்நிலையில், 'சுல்தான்' டிரைலர் சாதனையை சமீபத்தில் வெளியான அமீர் கானின் 'தங்கல்' படத்தின் டிரைலர் முறியடித்து சாதனை படைத்துள்ளது. அக்டோபர் 19 ஆம் தேதி வெளியிடப்பட்ட 'தங்கல்' டிரைலர் இரண்டு வாரங்களுக்குள்ளாகவே 3 கோடியே 44 லட்சத்திற்கும் மேற்பட்ட முறை மக்களால் பார்க்கப்பட்டுள்ளது. இதனால், அமீர் கான், சல்மான் கான், ரஜினிகாந்த் படங்களின் டிரைலர்/டீஸர்கள்தான் யு டியூபில் சாதனை படைத்திருக்கின்றன.