இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
யூ டியூப் சாதனைகளையும், சமூக வலைத்தள டிரென்டிங்குகளையும் திரையுலகத்தினர் அதிகமாகவே கொண்டாடிக் கொண்டிருக்கிறார்கள். படம் வெற்றி பெற்று வசூலித்தால் மட்டுமே அதைப் பற்றி வெளியில் தகவலைப் பரப்புவார்கள். ஆனால், சுமாராகப் போனால் எந்த வசூல் விவரங்களும் வெளியில் தெரியாது. தோல்வியடைந்தால் சத்தமே இருக்காது.
பட வெளியீட்டிற்கு முன்னர் வரை ஒவ்வொரு படத்தைப் பற்றியும் சத்தங்கள் அதிகமாகவே இருப்பது வழக்கம்தான். ஆனால், அந்த சத்தம் வெற்றிகரமான சத்தமாக மாற படம் நன்றாக இருக்க வேண்டும். அது இருந்தாலே போதும் படம் ரசிகர்களின் ஆதரவுடன் கோடிகளை அள்ளிவிடும்.
விஜய் நடித்து இதற்கு முன் வெளிவந்த 'தெறி' படம் பற்றிய அனைத்துத் தகவல்களும், டீசர், டிரைலர், பாடல்கள் அனைத்தும் ரசிகர்களிடம் சத்தமாகவே எதிரொலித்தது. அது படம் வெளியான பின்னும் இன்னும் அதிகமாகியது. விஜய் ரசிகர்கள் படத்தைக் கொண்டாடி அந்த சத்தத்தை மேலும் அதிகமாக்கினார்கள்.
இப்போது 'பைரவா' படத்தின் டீசரும் அதில் விஜய்யின் தோற்றமும் அடுத்த கொண்டாட்டத்திற்கு ஆரம்பமாகிவிட்டது. கடந்த மாதம் வெளியான இப்படத்தின் டீசர் 'தெறி' டீசரின் சாதனையை யு டியூபில் நெருங்கிக் கொண்டிருக்கிறது.
இன்று மாலை 5 மணி வரை 'தெறி' டீசருக்கு இதுவரை 1,10,69,597 பார்வைகள் கிடைத்துள்ளது. 'பைரவா' டீசருக்கு 1,10,53,535 பார்வைகள் கிடைத்துள்ளது. 'தெறி' டீசரின் சாதனை முறியடிக்க இன்னும் 16,062 பார்வைகள்தான் தேவைப்படுகிறது. விரைவில், 'தெறி' டீசர் சாதனையை 'பைரவா' முறிடியத்துவிடும்.