Dinamalar

தனுஷ் 51வது படத்தின் வெளிநாட்டு உரிமத்தை கைப்பற்றிய பிரபல நிறுவனம்!

தெலுங்கு இயக்குனர் சேகர் கம்முலா இயக்கத்தில் தனுஷ் தனது 51வது படத்தில் நடித்து வருகிறார். இந்த படம் தற்காலிகமாக 'DNS' என அழைக்கப்படுகிறது. இதில் ராஷ்மிகா மந்தனா, நாகார்ஜூனா, ஜிம் சார்ப் உள்ளிட்டோர் முக்கிய கதாபாத்திரங்களில் நடிக்கின்றனர். இப்படத்தை ஸ்ரீ வெங்கடேஸ்வரா சினிமாஸ் மற்றும் அமிகோஸ் கிரியேஷன்ஸ் நிறுவனம் இணைந்து தயாரிக்கின்றனர். இதற்கு தேவி ஸ்ரீ பிரசாத் இசையமைக்கின்றார்.

தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளில் உருவாகும் இந்த படத்தின் படப்பிடிப்பு பல கட்டமாக ஹைதராபாத், திருப்பதி, கோவா போன்ற பகுதிகளில் நடைபெற்று வருகிறது. இதன் படப்பிடிப்பே முடிவடையாத நிலையில் தற்போது இதன் வெளிநாட்டு உரிமையை டிரீம் என்டர்டெயின்மென்ட் என்கிற பிரபல விநியோக நிறுவனம் பெரும் தொகைக்கு வாங்கியதாக அறிவித்துள்ளனர்.

• இவரை பற்றி
• செய்திகள்
• ஆல்பம்