ஐஸ்வர்யா ராய்க்கு விரைவில் கையில் ஆபரேஷன் | தங்கலான் படம் ரிலீஸ் பற்றிய புதிய தகவல் | மே.29ல் வெளியாகும் ‛மழை பிடிக்காத மனிதன்' பட டீசர் | ஆகஸ்ட்டில் துவங்கும் ஜூனியர் என்.டி.ஆர் - பிரசாந்த் நீல் படப்பிடிப்பு | கல்கி 2898 ஏடி - ரோபோவுக்கு டப்பிங் கொடுத்த கீர்த்தி சுரேஷ் | விஜய்க்கு ஜோடியாகும் சூர்யா பட நாயகி | திருவண்ணாமலை கோயிலில் நடிகை ரோஜா வழிபாடு | இனி, மாதம் ஒரு பெரிய படம் ரிலீஸ் உறுதி… | வெற்றிக் கோட்டைத் தொடுவாரா 'பி.டி. சார்' | சூரி பட விழாவிற்கு வரும் விஜய் சேதுபதி, சிவகார்த்திகேயன் |
1987ம் ஆண்டு நாயகன் படத்தில் இணைந்த கமலும், மணிரத்னமும் தற்போது கமலின் 234வது படம் மூலம் மீண்டும் இணைந்துள்ளார்கள். 36 ஆண்டுகளுக்கு பிறகு மீண்டும் அவர்கள் இணைவதால் இந்த படத்திற்கான எதிர்பார்ப்பு அதிகரித்துள்ளது. கமல்ஹாசனின் பிறந்த நாளை முன்னிட்டு இன்று மாலை 5 மணிக்கு அப்படத்தின் டைட்டில் வெளியாகும் என அறிவிக்கப்பட்டது.
அதன்படி, படத்தை தயாரிக்கும் ராஜ்கமல் பிலிம்ஸ் நிறுவனம் வெளியிட்ட அறிமுக வீடியோவில், 'தக் லைப்' (Thug Life) என படத்திற்கு தலைப்பிட்டுள்ளதாக அறிவிக்கப்பட்டுள்ளது. அந்த வீடியோவில், ''என் பேரு ரங்கராயர் சக்திவேல் நாயக்கன். காயல்பட்டினக்காரன்” என தனக்கே உரிய ஸ்டைலில் கமல் இன்ட்ரோ கொடுத்துள்ளார். வீடியோவில் கமலின் ஆக்ஷன் காட்சிகள் கவனம் ஈர்க்கின்றன.
கமல்ஹாசன் - மணிரத்னம் கூட்டணியில் முன்பு வெளிவந்த 'நாயகன்' படத்திலும் கமல் கேரக்டரின் பெயர் சக்திவேல் நாயக்கர் என்பது குறிப்பிடத்தக்கது.
முன்னதாக இப்படத்தில் நடிக்கும் நடிகர் நடிகைகள் குறித்த தகவலையும் படக்குழு வெளியிட்டது. அதன்படி, மலையாள நடிகர் துல்கர் சல்மான், நடிகர் ஜெயம் ரவி, நடிகை திரிஷா உள்ளிட்டோர் இப்படத்தில் நடிப்பதாக அறிவிக்கப்பட்டுள்ளது.