Dinamalar

37வது பிறந்தநாளில் அதிதி ராவை கவிதை மழையில் நனையவிட்ட சித்தார்த்!

சமந்தா, ஸ்ருதிஹாசன் ஆகியோருடன் முன்பு கிசுகிசுக்கப்பட்ட நடிகர் சித்தார்த், அதையடுத்து தெலுங்கில் வெளியான மகா சமுத்திரம் என்ற படத்தில் அதிதிராவுடன் இணைந்து நடித்தபிறகு அவருடன் கிசுகிசுக்கப்பட்டு வருகிறார். அவர்கள் இருவரும் டேட்டிங் செல்லும் புகைப்படங்களும் அவ்வபோது வைரலாகி வருகிறது.

இந்த நிலையில் நேற்று அதிதி ராவ் தனது 37வது பிறந்த நாளை கொண்டாடியதை அடுத்து, அவரை வாழ்த்தி ஆங்கிலத்தில் கவிதை வெளியிட்டு கவிதை மழையில் அவரை நனைய விட்டுள்ளார் சித்தார்த். அதோடு, ஹேப்பி பர்த்டே பார்ட்னர் என்றும் அவர் ஒரு கேப்ஷன் கொடுத்துள்ளார். அந்த கவிதையைப் பார்த்து உங்களுக்குள் இவ்வளவு கவிதை எழுதும் திறமை இருக்கிறதா என்று தனது வியப்பை வெளிப்படுத்தி உள்ளார் அதிதி ராவ். மேலும், 2009ம் ஆண்டு சத்யதீப் மிஸ்ரா என்பவரை திருமணம் செய்து கொண்ட அதிதிராவ், 2013ம் ஆண்டில் அவரிடமிருந்து விவாகரத்து பெற்றவர் என்பது குறிப்பிடத்தக்கது.

• செய்திகள்
• ஆல்பம்