முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
விஜய் நடித்துள்ள லியோ படம் வருகிற 19ஆம் தேதி திரைக்கு வருகிறது. தமிழ் மட்டுமின்றி தெலுங்கு, மலையாளம், கன்னடம், ஹிந்தி ஆகிய மொழிகளிலும் டப் செய்யப்பட்டு வெளியாகிறது. மேலும், இப்படத்தின் டிக்கெட் முன்பதிவு கடந்த மாதமே வெளிநாடுகளில் தொடங்கிவிட்டது. விஜய்க்கு அதிக அளவு ரசிகர் உள்ள அமெரிக்கா, இங்கிலாந்து போன்ற நாடுகளில் 6 வாரங்களுக்கு முன்பே டிக்கெட் முன்பதிவு தொடங்கிவிட்டது. ஆனால் ரிலீஸ்க்கு இன்னும் நான்கு நாட்கள் உள்ள நிலையில் அமெரிக்காவில் லியோ படத்தின் பிரிமியர் காட்சிகளை ரத்து செய்துள்ளார்கள்.
லியோ படத்தை அனுப்புவதற்கு காலதாமதம் ஆனதால் அங்குள்ள ஐமேக்ஸ் திரையரங்குகளில் திரையிட இருந்த பிரிமியர் காட்சிகள் ரத்து செய்யப்படுகிறதாம். அதன் காரணமாக, பிரிமியர் காட்சிகளுக்கு டிக்கெட் வாங்கியவர்களுக்கு பணத்தை திருப்பி அனுப்பி உள்ளார்களாம். என்றாலும் ஐமேக்ஸ் இல்லாத தியேட்டர்களில் திட்டமிட்டபடி ரிலீஸ் ஆகும் என்றும் தெரிவிக்கப்பட்டுள்ளது. மேலும் லியோ படத்தின் டிக்கெட் முன்பதிவு தமிழகத்தில் நேற்று முன்தினம் தொடங்கியது. அப்படி தொடங்கிய சில மணி நேரங்களிலேயே பல தியேட்டர்களில் டிக்கெட்டுகள் விற்று தீர்த்து விட்டன. என்றாலும் சென்னையில் உள்ள இன்னும் சில திரையரங்குகளில் லியோ டிக்கெட் முன்பதிவு தொடங்கப்படாமலேயே உள்ளது.