Dinamalar

உருவானது ‛விஜய் - வெங்கட்பிரபு' கூட்டணி: அதிகாரப்பூர்வ அறிவிப்பு

நடிகர் விஜய், தற்போது லோகேஷ் கனகராஜ் இயக்கிவரும் ‛லியோ' படத்தில் நடித்து வருகிறார். லியோ படத்தை அடுத்து விஜய் நடிக்கும் 68வது படத்தை இயக்குபவர்கள் பட்டியலில் அட்லீ, கார்த்திக் சுப்பராஜ், கோபிசந்த் மாலினேனி ஆகிய இயக்குனர்களின் பெயர்கள் வெளியாகி வந்த நிலையில், தற்போது அது அனைத்தும் வதந்திகள், விஜய்யின் 68வது படத்தை வெங்கட் பிரபு தான் இயக்குகிறார் என்ற செய்தி கடந்த சில நாட்களாக வெளியாகி வந்தது.

இதனை உறுதிப்படுத்தும் விதமாக இன்று அதிகாரப்பூர்வ அறிவிப்பு வெளியாகியுள்ளது. வெங்கட்பிரபு இயக்கத்தில் விஜய் நடிக்கும் தனது 68வது படத்தை ஏஜிஎஸ் பிலிம்ஸ் தயாரிப்பதாக அறிவிக்கப்பட்டுள்ளது. இப்படத்திற்கு வெங்கட்பிரபுவின் ஆஸ்தான இசையமைப்பாளரான யுவன் சங்கர் ராஜா இசை அமைக்கிறார்.
விஜய் நடித்து 2003ல் வெளியான புதிய கீதை படத்திற்கு இசையமைத்த யுவன் சங்கர் ராஜா அதன்பிறகு சுமார் 20 ஆண்டுகளுக்கு பிறகு விஜய்யுடன் கைகோர்த்துள்ளார்.

• இவரை பற்றி
• செய்திகள்
• ஆல்பம்