விஜயகாந்த் மகனின் உருக்கமான ஆசை | கர்ப்பிணி பெண்களின் பேஷன் ஷோவில் கலந்து கொண்ட அமலாபால் | மம்முட்டியை இயக்கும் கவுதம் மேனன் | சிவகார்த்திகேயனை இயக்க தயாராகும் சிபி சக்ரவர்த்தி | எனக்கு பிடித்த இடம் : நயன்தாரா | 'கூலி' படப்பிடிப்புக்கு முன்பாக ரஜினிகாந்த் சிறு ஓய்வு ? | திருச்செந்தூர், கன்னியாகுமரி கோயில்களில் கணவருடன் நயன்தாரா வழிபாடு | புதுமுகங்களின் 'குற்றம் புதிது' | கன்னட ஹீரோ மீது கொடூர தாக்குதல் | சின்னத்திரை இயக்குனர்கள் சங்கத் தலைவராக மங்கை அரிராஜன் வெற்றி |
தமிழ், தெலுங்கு மொழிகளில் நடித்துக் கொண்டிருந்தாலும் தமிழை விட தெலுங்கில் முன்னணியில் இருப்பவர் சமந்தா. தெலுங்கு நடிகரான நாகசைதன்யாவைக் காதலித்து திருமணம் செய்து கொண்டு விவாகரத்தும் பெற்றுவிட்டார். இருப்பினும் சென்னையைச் சேர்ந்த சமந்தா ஹைதராபாத்திலேயே செட்டிலாகிவிட்டார்.
அங்கு நடிகர்கள், நடிகைகள் அதிகம் வசிக்கும் ஜுபிளி ஹில்ஸ் பகுதியில் ஏற்கெனவே சொந்தமாக ஒரு பிளாட் வீடு வைத்துள்ளார் சமந்தா. தற்போது ஹைதராபாத்தில் நனக்ராம்குடா என்ற இடத்தில் இரண்டாவதாக ஒரு பிளாட் வீடு ஒன்றை வாங்கியுள்ளதாக செய்திகள் வெளியாகி உள்ளது. சுமார் 8 கோடி ரூபாய் மதிப்புள்ள டூப்ளக்ஸ் பிளாட் வீட்டை வாங்கியுள்ளாராம். 13வது மற்றும் 14வது மாடியுடன் இணைந்த வீடு அது.
ஹைதராபாத்தின் புறநகர்ப்பகுதியான நனக்ராம்குடா ஐ.டி மற்றும் வருவாய் நிறைந்த பகுதியாக அறியப்படுகிறது. தன்னுடைய புதிய வீட்டிற்கான உட்புற அலங்கார வேலைகளை சமந்தா தற்போது செய்து வருகிறாராம். சமந்தா மும்பையில் கூட புது பிளாட் வீடு ஒன்றை வாங்கிவிட்டார் என ஏற்கெனவே செய்திகள் வெளியாகி உள்ளன.
சமந்தா நடித்து சமீபத்தில் வெளிவந்த 'சாகுந்தலம்' படம் பெரும் தோல்வியைத் தழுவியது. தெலுங்கில் 'குஷி' என்ற படத்தில் விஜய் தேவரகொன்டா ஜோடியாக நடித்து வருகிறார். 'சிட்டாடல்' வெப் தொடரிலும் நடித்து வருகிறார்.