"வாழு வாழவிடு" அஜீத்தின் புதிய கோஷம்

02 மார், 2013 - 10:09 IST

0 கருத்துகள் கருத்தைப் பதிவு செய்ய

எழுத்தின் அளவு:

இப்போதெல்லாம் அஜீத் யாரை சந்தித்தாலும், விடைகொடுத்து அனுப்பும்போது "வாழுங்கள், வாழ விடுங்கள்" என்று கடைசியாக சொல்லித்தான் அனுப்புகிறாராம். ஆட்டோகிராப் போடும்போதும் "வாழு வாழவிடு" என்று எழுதியே கையெழுத்துப் போடுகிறார்.

அஜீத்தின் அடுத்த படத்தை விஜயா புரொடக்ஷ்ன் நிறுவனம் தயாரிக்கிறது. சிறுத்தை சிவா இயக்குகிறார். இந்தப் படத்தில் அஜீத் 5 தம்பிகளுக்கு அண்ணனாக நடிக்கிறார். அவரது தம்பிகளாக நடிக்க நடிகர்கள் தேர்வு நடந்து வருகிறது. இதுவரை விதார்த், பாலா சுஹைல், முனீஸ் ஆகியோர் தேர்வாகி உள்ளனர். இதில் முனீஸ் சமீபத்தில் அஜீத்தை சந்தித்து தனது நன்றியை தெரிவித்தார்.

இதுகுறித்து முனீஸ் கூறியதாவது: நான் அவரை சந்தித்து நன்றி கூற விரும்பினேன். "இதற்காக நேரத்தை வீணடிக்க வேண்டாம், படப்பிடிப்பில் சந்திப்போம்" என்று சொன்னார். நான்தான் விடாப்பிடியாக அவரை சந்திக்க நேரம் கேட்டுப்போனேன். என்னை தேர்வு செய்ததே அவர்தான் என்பது அன்றுதான் எனக்குத் தெரியும். நான் அவருக்கு நன்றி சொன்னதும். அவர் எனக்கு சில அறிவுரைகளை கூறினார். அதை என் இதயத்தில் எழுதி வைத்திருக்கிறேன். அவர் சொன்னது இதுதான்.

"கடுமையாக உழைக்க வேண்டும், நாணயமாக வரி கட்ட வேண்டும், மூத்தவர்களை மதித்து நடக்க வேண்டும். மூத்தவர்களுடன் நிறைய நேரம் செலவிட வேண்டும். வருமானத்தின் ஒருபகுதியை இயலாதவர்களுக்கும், இல்லாதவர்களுக்கும் கொடுக்க வேண்டும். அடுத்தவர் வாழ்வில் உன் கருத்தை திணிக்ககூடாது. உன் வாழ்வில் அடுத்தவர் கருத்தை திணிக்க அனுமதிக்ககூடாது. நீ யாருடன் பழக வேண்டும், பணி செய்ய வேண்டும் என்பதை பணம் தீர்மானிக்க கூடாது, உன் மனம் தீர்மானிக்க வேண்டும். வாழு வாழவிடு. இது என் அறிவுரை அல்ல அனுபவம்" இப்படிச் சொல்லி கைகொடுத்து விடைகொடுத்து அனுப்பினார்.

இவ்வாறு முனீஸ் கூறினார்.

Ajith

new dialogue

அஜீத்

புதிய ‌கோஷம்

வாழு வாழவிடு

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய