Dinamalar

இந்த ஆண்டில் விக்ரம் நடிப்பில் மூன்று படங்கள் ரிலீஸ்

விக்ரம் - துருவ் விக்ரம் நடித்த மகான் படம் ஓடிடி தளத்தில் வெளியானது. அடுத்தபடியாக மணிரத்னம் இயக்கத்தில் விக்ரம் நடித்து இருக்கும் பொன்னியின் செல்வன் படம் செப்டம்பர் 30ம் தேதி வெளியாக இருப்பதாக அறிவிக்கப்பட்டுள்ளது. இந்நிலையில், அஜய் ஞானமுத்து இயக்கத்தில் கடந்த மூன்று ஆண்டுகளாக நடித்து வந்த கோப்ரா படத்தின் படப்பிடிப்பு முடிந்து இறுதிகட்டப் பணிகள் நடைபெற்று வருகிறது. இப்படம் மே மாதம் வெளியாக இருப்பதாக கூறப்படுகிறது.

இதையடுத்து ஏற்கனவே கவுதம் மேனன் இயக்கத்தில் விக்ரம் நடித்து முடித்துள்ள துருவ நட்சத்திரம் படத்தின் இறுதிக்கட்ட பணிகள் நடைபெற்று வருகிறது. இப்படத்திற்கான டப்பிங் பணிகளை விக்ரம் முடித்துவிட்ட நிலையில் இந்த படமும் இன்னும் ஓரிரு மாதங்களில் திரைக்கு வந்துவிடும் என்று கூறப்படுகிறது. அந்தவகையில் இந்த ஆண்டில் விக்ரம் நடிப்பில் இந்த மூன்று படங்களும் திரைக்கு வருகின்றன.

• இவரை பற்றி
• செய்திகள்
• ஆல்பம்