ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கலர்ஸ் தமிழ் தொலைக்காட்சியில் வருகிற 8ந் தேதி முதல் திருமணம் என்ற புதிய தொடர் ஒளிபரப்பாக இருக்கிறது. மங்களூரைச் சேர்ந்த ஸ்ரேயா அஞ்சன் நாயகியாகவும், டப்ஸ்மாஷ் பிரபலம் சித்து ஹீரோவாகவும் நடிக்கின்றனர். யாரடி நீ மோகினி, குட்டி ஆகிய படங்களை இயக்கிய மித்ரன் ஜவஹரின் இயக்க மேற்பார்வை செய்கிறார். ரஜினி முருகன், சீமராஜா உள்ளிட்ட படங்களின் ஒளிப்பதிவாளர் பாலசுப்ரமணியெம் ஒளிப்பதிவு மேற்பார்வை செய்கிறார், மாஸ்டர் சேனல் நிறுவனம் தயாரிக்கிறது.
வேறொருவரை காதலிக்கும் ஹீரோயினும், வேறொரு பெண்ணை காதலிக்கும் ஹீரோவும் நிர்ப்பந்தம் காரணமாக திருமணம் செய்து கொள்கிறார்கள். அவரவர் ஜோடியை மறக்க முடியாமலும், திருமண வாழ்க்கையில் சந்தோஷமாக இருக்க முடியாமலும் தவிக்கிறார்கள். அவர்களது தவிப்பும், அவர்கள் எடுக்கும் முடிவும் தான் சீரியலின் கதை. விவாகரத்து செய்து விட்டு கணவன் மனைவியாக வாழ்கிறார்கள். சீரியலை பிரபலப்படுத்த முதல் மூன்று எபிசோட்களில் தற்போது பிசியாக இருக்கும் முன்னணி ஹீரோ ஒருவர் கெஸ்ட் ரோலில் நடிக்க இருப்பதாக தெரிகிறது.